رساله مهذبه جدا..... للتاكيد مهذبه جدا
تقبل ياملك باهلك تسن قانون
وتشيل النفوذ العدهم بكبــــــره ؟
بمافيها القصر والخدم والحراس
من محبس لقبهم تاخذ الشذره
نفرض وافقت من قصرك يطلعون
الى أي بيت ثاني يجمع الاسره!
شتسوي اذا ينهدم هذا البيت ؟
والهدمه برايك تكدر تـــــعذره ؟
... ماترضه اكيد الملك يرضه شلون ؟
واحد شخص عادي يستبيح امـره
طيب... عالحسن كلي الرسول شكال ؟
من هجمو احبابك هدمو كــبره ؟
انته المونبي وماترضه لهلك هاي
احسك مبدأيا رافض الفكـــــره
من تكسرغصن تبرداعصاب الفاس
بس لازم ايظل بخاطر الشجره
شتريد؟الكبر مايرتفع عالكاع ؟
والحــــــد المقرر تدفن الحفره ؟
من يعلى الكبر مايعلى لايا كان
اكــو الحج بنظرهم يعتبر سفره
اكو تدورله طيف تريد تعثر بي
واكوتحس كبره صاير بالدرب عثره
اذا سيد شباب الجنه كبره ايصير
كبري بمستواه وبموقعه وكـــــبره
اذن هذا اليزور المكبره يحتار
من ياكبر بيهن ياخذ العبـــــــــره
نظام الكون اذا يتساوى أي شي بي
ماتختلف عندك لحظة عن اخرى !
يعني اتخيل اتغوص ابحر صياد
وتعوف الآلــــــئ تاخذالصخــــره
ماتبني الحسن خايف من الشباج ؟
صندوق الشكاوى العلعرش خطره ؟
لوخاف العلك ينمسح بي معقول؟
شفت الوصله هايه بمنهجك كفره
من ناخذ علك ونمسحه بالشباج
حتى نشم محمد ننتشي بعطره
اذالاكيت صاحب صاحبك ترتاح
على ريحة احبابك تذكر العشره
الورد من ينكطع مايبقى بي كل لون
اذن سر الجمال البلورد جذره
مثل ماي المطر كلشي بمحمد خير
ماتكدر اتميز كطره عن كطره
رد مع اقتباس
