هنا

[أنثى حائرة]

تردد جدا عن هذا الموضوع لكن جربت الكثير من محاولات وماوصلت النتيجه

خل اسولفكم عن عائله عايشه بنعيم الله وستره
الرجال خلصت وضيفته واستلم تقاعده بقه من التقاعد 4ملاين
والرجال ضامهن بامان الله وبالبيت ومرتاح لان هو بمنطقه امينه ويعرف الجيران من سابع جد
وعده هالرجال ابنه مزوج وعايش وياه واطفاله اصغار
وعده ابن ثاني عازل ابيت وعده ولد ممراهق عمره 15 سنه وبنيه 17سنه
وعده ابنيه مزوجه

بيوم برمضان بنته تخربطتت وابوها قلبه رهيف خلاها يمهم يومين لحد ماتحسنت ورا يومين اجه ابنه المزوج وعائلته يزورهم.وراحوا ورا كم يوم رجعوا يشوفون جدهم
صادف راح ياخذ شغله من المكانالمكان القريب يم الفلوس لاحظ الضرف اللي بي الفلوس مفقود
فكال للحاضرين بالبيت انو الفلوس بداخل ضرف ومالكيته بمكانه واكو ضرف ثاني بي مبلغ قليل
بعد مامدورين البيت كله لكوا ضرف واحد اللي بي مبلغ قليل بالاستقبال ورا التخم

ااجه العيد وخلص وكلمن راح لبيته بعد فتره حوالي اسبوعين ولتموا كلهم ابنهم العازل والعايش وياهم واطفالهم ورا كم يوم
هالرجال مسوي قاصه للحسين مخليها بمكان بالهول ياهو اليحب يذب بيها فجاه يلكاها مفقوده بحث دور ومالكاها عبالك فص ملح وذاب وهي شكبرها يعني اتبين (قاصه الحديد ام الف دينار) بس بيها هواي

ورا فتره هم اجه خطار من مكان بعيد اول مره يجي وهم اجو زوجه ابنهم العازل وابنها وبنتها وبالصدفه الخطار اتضيع فلوسه
ب12ويا صلاه خله محفظته بمكان ورا كم ساعه مالكاها
وبنفس الوقت الرجال صاحب البيت مستلم راتبه وضامه ببليل وثاني يوم لكه ناقص منه 300


المشكله صاحب البيت يخاف من الحلفان بالقران وواحد يذبها ع واحد وتايهه السالفه
كتبت التفاصيل بلكت من خلالها ابين السارق لان احنا عقلنا مشوش وتعبنا من التفكير
وفكرنا بالكامرات وهم ماترهم داخل البيت كامرات

ياريت تكتبوا افكاركم

[مصطفى العراب]

هيج بوگات مال واحد مراهق وعقله ع گده

او واحد يتعاطى وبلش يخلص فلوس

شوفوا منو بالبيت مطابق لهالصفات وراقبوه وراح تكتشفوه ، لان لو حرامي جبير وعقليته تمام ما يبوگ مبالغ بسيطة وبفترات قريبة

[نـارڤـين]

يأما يخلي كاميرات بمكان وكون متبين الكاميرا ومحد يعرف من اهل البيت بس هو ويخلي فلوس ويروح يبقى يراقب اذا اختفت الفلوس راح يشوف ويعرف منو دياخذهن


او الحلفان للكل وهاي احتمال تسبب حزازيات بالعائلة لان البريء راح ياخذ على خاطرة

[عضوية محجوبه]

الاحسن يجيب فلوس مزوره وبحساب راح الكل تعرف انو ضام شايل بهذا الظرف كذا مبلغ أو ضامهن بغير مكان ولا يحسس أحد بتزوير اذا شاف واحد من عدهم اخذهن اكيد هو يأخذ بيهن
الحرامي اذا يبوك يكولك اني مابكت انوب الحلفان راح تنخلط بين الكاذب وبين الصادق
وانشالله يلكي حل...

[❤أميٰـر الہٰغـروبٰٰ❤]

جوابي نفس جواب مصطفى ومستعد احلف ابمكانهم حرامي البيت ولد مراهق او بنيه مراهقه وشاب نايم براسها ويضحك عليها ويسحب منها فلوس غير هذوله لتعبون نفسكم