منهاج محرم الحرام ١٤٤٤ هـ
وهب الأنصاري (رضوان الله عليه)
خيـمـه بـصـحـراء...مـاخـذهـا التعـب
گـاصـدها حسيـن...يسـأل عن وهـب
يعـنـي أصبـح يبـنـادم زيـن
ويـتعـنـاك بنفـسـه حسـيـن
وتغلـى اعلـه الذهـب
خيمه بالصحـره وكـثـر ما تعبـت هـواي
گـوه للنـاس الحـدرها اتـسـوي الافـيـاي
وناسهـا الأمنيه الأغلى العدها بس هـاي
كون وكت العطش يحصل عدهـم الماي
بـس نـاس...
كـل أطبـاع البيـهـم حـلـوه
ومتروسين من الله امـروه
ومن خيمتهم عطر النخـوه
ايـفــوح
ومن يگصد ضيف...الخيمه اتصير اله
وإبـحَــر الصــيــف...يــتـــبــلـــ هـلـه
واكرم واحسب توفي الدين
ويـتعـنـاك بنفـسـه حسـيـن
وتغلـى اعلـه الذهـب
ـــــــــــــــــــــــــ ــ١ــــــــــــــــــــــ ـ
أم وهب بالخـيمـه بس بگـلب عطشـان
وعلى ساعه اتحولـت الصحراء بسـتـان
خـضـره واعليهـا انـثَّـر لـؤلـؤ ومـرجـان
والهـوه اتحـول عـطـر عـنـبـر وريـحـان
صـحـراء...
بس بلحظه اتحولـت خضـره
من گـد خـيـرات ابـن الزهـره
مـن حـسـيـن المـات بـنـظـره
ايعـيـش
چـا غـير حسين...هـو اصـل النِـعَـم
الوادي المَـر بيـه...يكـشـخ عـالقِـمَـم
من اسمه اذكر بس حرفيـن
ويـتعـنـاك بنفـسـه حسـيـن
وتغلى اعله الذهب
ـــــــــــــــــــــــــ ٢ــــــــــــــــــــــــ ـ
حسيـن سَـلَم وام وهـب بس رَدَت اعلـيـه
عـيـن مـاي اتـشـوف طگـت جـوه رجلـيـه
ويابـس من العطـش عدهـا الچـبد تـدريـه
وارتــوت ويــه الســلام الـلـي ابـتـدأ بـيـه
وللمـاي...
من عدها وما عطـشت لحظـه
وكل مـاي الينطـوهـا اترفضـه
ولـيـه بـس لـو رادت تتـوضـه
اتشوف
اليعطش لحسيـن...دوم ايشـع ضـوه
وما يعـطـش مـاي...من عشگـه وروَّه
إعطـشلـه اشـما تبعـد ويـن
ويـتعـنـاك بنفـسـه حسـيـن
وتغلـى اعلـه الذهـب
ـــــــــــــــــــــــــ ـ٣ـــــــــــــــــــــــ ـ
رَد وهـب وايشـوف ماي وخيـر بالگـاع
وأمه تحچـي وباوعتلـه ايلـم بالامتـاع
وراد عود اويه أمـه بس يبـدأ بالاوداع
يـا وداع اتگـله كلـنه انروح الـه ابسـاع
لحسـيـن...
كـلنـه انصـار ونـفـديـه كلنـه
بس إدعي من الله ويقبلـنـه
إحـنـه الخَـدَم وسـيــد إلـنـه
ايصـيـر
اليخدم لحسـين...يعلى إعلـه النجـم
المــا راح اويـــاه...مـوش مـن الزلـم
سيـد مـثلـه اتحصل امنيـن
ويـتعـنـاك بنفـسـه حسـيـن
وتغلـى اعلـه الذهـب
ـــــــــــــــــــــــــ ـ٤ـــــــــــــــــــــــ ـ
راحو اويه حسين والفرحه اعله العيـون
والأقـلهـم عشـگ صـار بعشـگـه مجنـون
وهُـمـه أول مــا بِــدوَّ ويـــاه يـمــشــون
نِسو كل الحچي وبس بحسين يحچون
مـولاي...
محـد يسمـع بس هالكلـمـه
وايغـيـروهـا بيـا ابو اليمـه
وگـلوب إلـهم لومـا اسـمـه
اتـمـوت
بس صوت حسين...عدهم ينسمـع
لو لحـظـه ايغـيـب...نگـعـو بالدمـع
وگـالـو مـن تـهـمـلَّـه العـيـن
ويـتعـنـاك بنفـسـه حسـيـن
وتغلـى اعلـه الذهـب
ـــــــــــــــــــــــــ ـ٥ـــــــــــــــــــــــ ـ
يوم عاشـر أمـه مـن الغـبشـه واتصـيـح
اتعطـلت لحسين يمتى انظرلك اتطيـح
يُمـه عـن حـسـيـن اريـدك تـمنـع الريـح
ونذر من تستشهد أگضي العمر تسبيح
وتدعيله ايـمـوت...گعـدت بالشـمـس
وفرحت من مات...ضعفـين العـرس
مـنـهـا اتـعَـلَّـم لـو طَبـعـيـن
ويـتعـنـاك بنفـسـه حسـيـن
وتغلـى اعلـه الذهـب
ـــــــــــــــــــــــــ ـ٦ـــــــــــــــــــــــ ـ
أحمد البصراوي العبادي
رد مع اقتباس