يمه الوحدي ضليت .. اظلم صاير البيت
عگبچ جرحي ما طاب .. تكتل گعدت الباب
اظام صاير البيت .. اظلم صاير البيت
كُل مغربيه اگعُد وون .. واعله الدرب عيني
يا يمه حاچيني يالنمتي بالمگبره
صار العمر ضيجة خلگ .. شيردها لمتنه
ابچي اعله عشرتنه .. عشرتنه حلوه تره
ضليت ابوس بصورتـچ .. والدمعه بعيونـي
كُـل ساعه اگُللهم گمت .. يم أُمي ودوني
كُـل ما أطيح اعله الوجه .. گوه يشيلوني
ومـا اگدر اشتم الهوى .. بلياها صدگوني
يُـمه حتى الگـبور .. تدري بظهري مكسور
تـارس وجهي التراب .. تكتل گعدت الباب
يا ناس روحي اتعذبت .. بله التموت امه
شلون الهوى يشمه .. ويگضي راح العمر
من فارگـتني شيبت .. والشيب يبچيلي
موحش صبح ليلي .. وبين عليه الكبر
يا يُـمه رحتي وحجرتچ .. بس ريحتـچ بيها
ومن رحتي روحي للگبر .. وياچ اخذتيها
نيران گلبي تستعر .. گلي اشيطفيها
والماله ام ضايع يضل .. ودموعه يجريها
امي التعبت وياي .. لعمي اعليها عيناي
يوجع فگد الاحباب .. تكتل گعدت الباب
اشگد امي وياي اتعبت .. وعليه سهرانه
والعين ذبلانه .. وتفكر بنومتي
مني امي ما تزعل ابد .. حتى من ازعلها
ولمن اروحلها تستانس بشوفتي
انه امي تتفايض وفه . . ومتروسه حنيه
اتدفيني چانت بالشته.. واتخيم اعليه
وتتوسل برب السما .. وتدعيلي يوميه
وكُـل مااريد امشي بسفر .. اترش الدرب هيه
لمن فرگتي اتطول .. محروس بعلي اتگول
وجمر اشواگي لهاب .. تكتل گعدت الباب
يا يُـمه كُـل ذُكرى الچ .. گامت تبچيني
والدمعه تاذيني .. موتني حيل الهجر
كُـل مااطلع شيلتچ .. بالشيله اشم عطرچ
واتعنه يم گبرچ .. واهناک اون اشكثر
يا يُـمه حاچيني صحت .. مشتاک اشوفنچ
لتفكرين بگومتچ .. انه الاگومنچ
تنزل دمعتي اعله الوجن .. كُـل ما اذُكرنچ
يا زهرة اسنين العمر .. ليش انحرم منچ
دارت بيه الايام .. وراحت ذيچ الأحلام
بس شيفيد العتاب .. تكتل گعدت الباب
يابيت راحت سلوتک .. شو خرسه حيطانک
مسدوده بيبانک .. چا شنهي ضلتک بعد ؟
كُـلشي تغير من مشت .. راحت ليالينه
وكثر مأسينه .. وملگه الحبايب برد
يا بيت كُـل مااطب الک .. اگبالي أُمي الگاها
كُـلشي بحياتي ينسي .. وما اگدر انساها
بسک دخيل الله صحت .. عذبني فرگاها
من دفنو أُمي بالگبر .. دفنوني وياها
روح ابلا جسد ضال .. افراگ الغالي چتال
وگلبي من الحزن ذاب .. تكتل گعدت الباب
تحميل MP3
رد مع اقتباس