هنا

[هيڤين' ♬✿]

انه الرادت تموت .. يم عينک لگوها
شيظل بيها التشوف .. ميت يمها ابوها
يگلبي يگلبي اوگف يگلبي


يابويه لمن شالوک .. چن شالو عيوني وياک
کبرت الوحشه من انطيت .. ظهرک علينه
مابي مجال التابوت .. يصعدوني اموتن وياک
انه وخوتي من امشيت .. اشگد بچينة




يمــوت .. ما صدگت وجـهه الصبح
يمــوت .. هـو المثل گلبك سمح
يمــوت .. هذا الجرح ما اضن هذا جرح يموت




من شفتک على الچتاف .. بويه بحرگه ونيت
وراک بلحظه وحده .. كبرت ضلمت البيت



يروحي .. يروحي .. موتي يروحي
المحنه .. المحنه .. نشالت يروحي


شلت ايدي گوه ويلناس .. بس ردت الوح التابوت
صيحت ابوي ابو تراب .. مو مالت اتراب
شلون بچفن لفيتو ؟ .. وهـو ابعباته يلفنه !
من كون ميته ولا اشوف.. تشييعه بالباب


تــعال .. يم گلبک شگد صيحت
تــعال .. مدري انت مدري انه المتت
تــعال .. كل حيلي اخذته من رحت تعال

تمنيت امشي وياک .. بس ثگلني الوداع
لو تاخذنه کُلنا .. لا ما تشبع الگاع

يگلبي .. يگلبي .. اوگف يگلبي

من شفت ابويه بهالحال .. الدم على ارموشه اهلال
لو ما تلزمه الضلوع .. چا گلبي طايح
من ضيمي حگ لو ونيت .. شايل حنين من البيت
لو ادري چا رحت وياه .. ما ادري رايح


بچــيت .. المن مشه مدري شكثر
بچــيت .. ودم صارن عيوني وحمر
بچــيت .. ما وفي لو طول العمر بچيت

كلمن فارگ اعزاز .. بعينه المغرب ايعيل
كون اصرخ يدنيه .. وي الشالو انشيل

هضيمه .. هضيمه ..هاي الهضيمه
يتيمه .. يتيمه .. زينب يتيمه


يگلبي يگلبي .. اوگف يگلبي


ارجع علي البيتک گوم .. ما ضل بعد شي للعيد
اهلک بعد يابو حسين .. لتضن يعيدون
يلكملت نص رمضان .. وصايم رحت للدفان
ولدمعه من عني امشيت .. ما ضلت اعيون


عــلي .. عندک اميره امدلله
عــلي .. باچر وراها کربله
عــلي .. ابنك يضل محد اله علي


باچر ابنک حسين .. تاخذ صدره الخيول
وانه امشي اسيره .. ويموت حسين بچول

تحميل MP3

[الملاذ الاخير]

احسنتِ النشر هيفين .. شكراً للمجهود

[هيڤين' ♬✿]

احسنتِ النشر هيفين .. شكراً للمجهود

شكراً لحضورك انرت