هنا

[افول]

شلعیت الگلب ذبّیته بالتنور

او حرگته ابنار چوّیته النکت بیه

ردته ایعوف کل شر لا یطخ الراس

اعذبه اردود اذا عاد اببلاویّه

خذیت العهد منّه او دمّه یجری ایسیل

او جاوبنی ابصراحه او ما یخل بیّه

نطریته ابمکانه او شفته نص اللیل

ادموعه اتسیل مغموم ابمعانیّه

طیّر نومتی او سهّرنی بالحسرات

حسبه اتجیبنی او حسبه التمر بیّه

اعیونی حومرن من کثر مد اللیل

او صفناتی خذّنی الطور ابوذیّه

شجاک اشبدّل اطباعک وعانک

یگلبی من هو ابشانک وعانک

یحسبک کل من اجتازک وعانک

شرب مایک او عافک بالثنیّه

[افول]

جاوبنی الگلب ارجوک بالک تدخل ابشانی

اذا انا نسیت الناس احس الناس تنسانی

بین المطرقه او سندال عگلک هوه دلّانی

لو یزعل یکسر عصّاتی

[افول]

جاوبته یگلبی الیوم دنیانه اصبحت شاره

والیتابع گلب خسران بالذل تنهدم داره

ربّک یستر اهل الشوگ بس هم توصل اخباره

والشامت ناره ایبث بیهه

[افول]

جاوبنی الگلب عونک وهم بیک

الاودّه اشلون اترکنّه وهم بیک

صرت چتّال لحبابی وهم بیک

الوفه ینداس بفعال الردیه

[افول]

جاوبته یگلبی استرنه ملّینه

وابدربک علاوی اهوای ساوینه

علی درب العداله احدود دگّینه

تنکرهن واترد متعافی

[افول]

جاوبنی الگلب مایاجد النه احدود

والیمنع دربنه انوب بیه انزود

جمعنه افکارنه ما نرد بیهه اردود

ما نخشی الطوب او طیاره

[افول]

جاوبته یگلبی بعدک اصغیرون

والعاندوا کلهم غشمه مایدرون

والطافوا خطوط الحمر میدرکون

اوّلهم بشّر تالیهم

[افول]

جاوبنی دبسّک جوز خلینی ابسگم حالی

یا ریت ابجهنم نار میت منّک اشوالی

افر من سجنک او ارتاح معیش اویاک للتالی

بس کون اشتم من حبّیته

[افول]

جاوبته اشکثر مغرور هوّد لحظه تانینی

غیرک ما املکه اویای لا تمشی او تخلینی

استمع واتصوّر الصعبات فرد احچایه حاچینی

والعاقل ما یشرگ ثوبه

[افول]

جاوبنی الگلب شد حیلک انا اویاک ما اعوفک وحید او تقوی شمّاتک

الیدور الستر والجوره تسمع بیه مکتوب الشهم یا اخوی اعتقد منصور من ذاتک

سهم بیه نار یضرب گلب کل مغشوم ابرمایه اتجیس چلماتک