هنا

[فقار الكرخي]

مثل النجم دمعتي كل مغرب تلالي
تعبان من دنيتي و تعبان من حالي
تعبان من كل شخص سميته امس غالي
ارتجف مثل السعف
ابليس يطلبني دم و گبالي كتالي


تعبان فاگد ابو تعبان من اهلي
بمرايه كلما اصد متغير تگلي !!!
بالحزن كلش ثمل
جيلين أحس اكبرت
عن جيل البحلي
عالماكو شي منحسد
عين التباوع عليّ ماتعرف تصلي


يا گلبي كلش سهل
تخفي الحزن بالضحك
بس الصعب بالامر لعيونه مفضوحه
انه الگضيت العمر تعبان من روحه
اخرس بصدره الحجي وما يگدر يبوحه
القوه نقطة ضعف
لليشل جرح الخلگ بس عايف جروحه


متعوب من كل بشر ما شفت اي راحه
جندي بأرض معركه و يداين سلاحه

خل يبقى فوك الجبل
معروف طبع الصگر
ماداعي ابد يعتزل
چي كسروا جناحه










سيف العبادي

[شمس خلف السحاب]

اختيار موفق و جميل شكراً فقار

[أبن الاشتر]

قصيدة تناسب كل واحد عايش هالفترة
شكرا الاخ فقار

[↫روشة.•]

شكرا.

[،،،،،،،،،]

شكرآ جزيلاً لك

[فقار الكرخي]

نورتو الكون بهاي المغربية

[آمــالــ]

جميل جداً عاشت ايدك فقار

[فقار الكرخي]

نورتي الكون