وأطش بغداد كلهه واهليه - - حسين الساعدي
أطش بغداد كلها واهِليه
حسين الساعدي
ناذر نذر كون اتعود اليه---أطش بغداد كلها واهِليه
والشمات ألاكيهم
أدك طبله وأبجيهم
وأركص جوبي وايدك بين اديه
وأطش بغداد كلها واهِليه
-------------
بِغيابك رِخص دمعي ابغلاته---وصاير نكته بحلوك الشماته
تعال اتأخر اغيابك
تارك دمعتي إبابك
تعال وخلنه نمسحهه سويه
وأطش بغداد كلها واهِليه
وأركص جوبي وايدك بين اديه
-----------
ما ناسيك لحظه والله شاهد--- تعال وشوف كاتبلك قَصايد
حُبك وَمضة بالساني
شاعر شعبي سَواني
حُبك ثوب ومفَصل عَليه
وأطش بغداد كلها واهِليه
وأركص جوبي وايدك بين اديه
----------
ناذر نذر كون اتعود اليه---أطش بغداد كلها واهِليه
والشمات ألاكيهم
أدك طبله وأبجيهم
وأركص جوبي وايدك بين اديه
وأطش بغداد كلها واهِليه
بقلم
الشاعر حسين الساعدي
الواهليه =ملبس وحلوى
للنقل امانة لمن يمتلك الوجدان!لا اسمح بنقلها الا بذكر الاسم ولا اسمح بغنائها لانها كتبت كطلب خاص!!
منقوووول
رد مع اقتباس