ما يخلص الليل .. وكلبي ماشة نار .... وجفوف الشماته تحنّي بيباني
وأفز هلبت ضوه ! والليل يطلك ليل ... وبس طعم الجروح الغافي باحضاني
يوازيني الوكت واتحزم حزامين ...... ولا بانت لي خلّه بيوم لاواني
صدك تعبّني .. لكن ماطحت الكاع ... شمْ ريحة مروّة بيوم لاكاني
يجويني الزمان وانه عود بخور ... عطر طشيت روحي بيوم جوّاني
ويمر الشامت ويشتم حرك بالروح .. ولا ذليت روحي .. كلت دخاني
عزبت الجروح بشحّة الطيبين .... واتوارث جرح واحد من الثاني
ثوب الذل كصير ومارهم وياي .... من البسه تبان خلّة بطول ذرعاني
مدريب الخلل بيه وطيبي ماينراد ؟ مدري الملح ماصخ وي خوّاني ؟
اني اعمى كلب مو طبعي احمل غيض وعلى جويدات اهلنه البخت دلاني
أصيرن دفو لربعي واني كلّي رماد .. ويذروني واكول الهوى ذرّاني
واعاتبهم عتب طير وي عش محروك .. ويزعلون . واكلهم زلة لساني
حبسوني بقفص وعيوني مشدودات .. ومصاييد شكثر كام اتولاني
وسالوني شعجب ماطرت وي الريح ؟ وكلتلهم الصوج بريش جنحاني
اني املك ترافه جنح فراشات ... فك روحي ودشوف شبيهن اغصاني
طبعي انفض كرامه من الجدم للراس .. بصدر الغانمه لو تهت تلكاني
وانه بروحي شذر من كبّة الكرار ... روح اسال .. ابد ميتيه عنواني
رد مع اقتباس
