هنا

[فقار الكرخي]

ربي هيج الدنيا تخنك
هلكثر متروسه ضيم
هيج احس بروحي ضايع
كلشي اعرف بس غشيم
بين اخوتي وناسي عايش
ليش احس روحي يتيم

[فقار الكرخي]

ونيني فزز النايم وصحّاه
بسبب لا حيل ضل عندي وصحّاه
يـَ صاحب وحدي اتلوى واصيح آه
فلا واحد فزعلي وحن عليه

[فقار الكرخي]

ها يگلبي . تلملمن كلهن عليك
وحدك تعاني وثگيل صوابك
منين ما تفتر مصايبهم تجيك
والحفرلك بير اعز احــبابك
لا تدير گفاك للمنك وبيك
لو يغدرك لو يضل يغتابــك
عاشر اليفديك عمره ويشتريك
وع اليبيعوك برخيص اشجابك
صير غالي واليودك يعتنيك
وانسه كلمن ما نشد بغيابك
ولا تعاتب ناس ماعدهه ضمير
الگلبه اسود ماينظفه عتابك

[فقار الكرخي]

شيَرجع ايَام الـ مُضن
مِن چَنت بـَأسمي تغنِي
مِن چَنت اذا يَوم اختِفي
لو تبَچي لو تِرسمني