هنا

[فقار الكرخي]

ماحسبك خصم من صار طك سيوف …
لاتعبرني لمن شفت دم سايح …
شاورت الگلب خسران بس مرتاح …
عشت مجروح ماحب سمعت الجارح …
وتعرفني السهل ماعندي رغبه ويا …
حصت سهمي عالغزلان التواكح ….
كعدنه ثنينه نبين منو الغلطان …
صياحك عثرك خله الغلط واضح …
بصريخ الحرامي غايه لو كضوك …
حتى يطم فعلته بكثر الصايح …

الـضمه تناوش أيامي
ومالي بالوادم مطر
كافي أنخاك أعله گطره
وشامتك فزعـة نهر

[فقار الكرخي]

أبوچ يريد بيت وعندي كومة بيوت
متنازل كلتله وكلها منطيها
هز أيده وضحك كلالي يبن الناس
ترى بيوت الشعر ماينسكن بيها

[فقار الكرخي]

ما غمضت عيني البارحه اتلوه
شلون عيوني يغفن وانت ماهوه
الوكت سوالي كلشي وكمت ماهميت
بس انت الفراكك مادري شسوه
اكو بحبك طعم لاشايفه ولاصار
مثل طعم الحكوك التنوخذ كوه