زل لساني من گلت عدهم وفاءالمشاركة الأصلية كتبت بواسطة سمراء من قوم عيسى
ربي لا تحسبها … هالكلمه شقه
القاضي و النجار كل دگه اختلاف
القاضي يحكم من يدگ بالمطرقه
زل لساني من گلت عدهم وفاء
ربي لا تحسبها … هالكلمه شقه
القاضي و النجار كل دگه اختلاف
القاضي يحكم من يدگ بالمطرقه
جرحي ازناد تفگه شما تسحگه ايثور
وگلبي اعيون طفله امن الهوه يدمعن
بچیتـك خجـل عـن لا تبـيّن ذيـب
خفتـك تبـتسم وانـيابـك يطلـعـن
الله
الحبيب
ها يكلبي شكثر عندك ذكريات
وذكرياتك بعد ماترهم دوه
صعبه كالو من تفاركلك صديق
شلون حاله الفارك احبابه سوه
وكون اعود واكعد بذاك المكان
وازرع سوالفهم بماي وضوه
بس اخاف تذوب جفوني الدموع
من تمر ضحكاتهم ويه الهوه
ما نكبر شكل و گلوبنا مشيبه
بس المشكله، بعيون ال نحبه
مره يشوفنا بگد طفل بالكاروك
و مره يشوف طلعت بالظهر حدبه
و يغثنا الحچي و نضحك بوجه العيب
ما نگدر نعوفه، ارواحنا مچلبه
خلصت والمواقف سجلتها
وعرفت الناس لمن جربتها
على كل حال اكول الحمد لله
بقت عندي الكرامة ما بعتها
مو اني اليطخ الراس بالضيج
ركبتي انكسرت وما دنكتها
بس هي التحز بنفسي مرات
عضتني الحلوك الوكلتها
ما يحتاج اعاتب كلبي خلصان
اني من البداية توقعتها
هو الينكر المعروف معروف
ما يحتاج أوضح وضحتها
تطيح الاقنعة شما مرت ايام
أكتشفت وجوه نادم عاشرتها
من عيوني طاحت وادم اعزاز
اكسباير وما طول وكتها
بفرحهم وبحزنهم شاد احزام
حتى همومهم عنهم شلتها
مثل الشجرة لميت العصافير
واول ما طحت طارت شفتها
بعد ما اجامل الجذاب جذاب
و الطيبة الزايده هم بطلتها
اذاني الوكت بس اني ممنون
هواي دروس منه تعلمتها
عدت شدتي والحمد لله
الكلش طولت صارت سوالف
وهي العازه تكشف معدن الناس
وكلها تبين بوكت المواقف
اكو الما سأل عني وكال شتريد
واكو الكتله اريد وكال آسف
كلهن سجلتهن خاف فديوم
حجي و اعتاب وياهم يصادف
اعزازي هواي بس الوحدي ظليت
يومية شخص من كلبي حاذف
المصيبه الما اعرفهم وكفوا وياي
واني أكثر شخص عنده معارف
ناس على الحذب صاروا يعيشون
واليحجي الصدك يطلع مخالف
المهم ما دنكت والدنيا ميدان
هواي اسهام واني الوحدي اشاكف
رغم حزني واكول ان شاءالله تهون
مامحتاج من واحد تعاطف
وجان ابسط فعل منك
يخلي احساسي مطمن
اذكر شاورتني وصوتك يجنن
رجعت البيتنه وكل عقلي
اضم بل صوت
مخلي أيدي على أذاني
مثل اليأذن.
مرات تلكالك شخص
لمن تحس مره بضعف
من عنده تاخذ قوه
بس تدري وين المشكلة ؟
لمن يجرحك هو !
شكد صعبة من تفقد ثقه
بانسان بس هو البقه من تختنك تتشتمه
المن تسولف خنكتك ؟
والغاثك نفسه الجنت تكعد تفضفض يمه
منين تلكالك وفي
لمن يجرحك يعتذر
ويرد و اصبعة بسنه
شكد فشله تشتاك البشر ملجوم كلبك منه
شكد فشله من تضحك جذب
واهنا تجيك الحسره
ودك تسامح ع الغلط
كول العفو عما سلف
شيطيب من الكسره
اهنانه توصل مرحلة
ما تدري شتقرر بعد
بين المحنه وجرحك
اهنانه تبجي من القهر
وترد تذكره وتضحك
المشكلة دمعك نزل
والسبب واحد تنتظر لمن تضوج يفرحك
تحاول تكابر والوجع
ما تدري وين تضمه
مثل اليتم بلا ابو
لا اخت عنده ولا اخو
والمكبره تبوك أمه
اهنا ضحكتك تختفي
وتكضي الجكارة و تنطفي
بس حركتك ما تطفه
تحاول تشطبة من الكلب
ولمن يلاكيك بدرب ودك جنت متعرفة
شيفيدك تشك الصور
وتغض نظر عن شوفته
وتقفل عليك الغرفه
وهو انت وياه تلتقي لمن عيونك تغفة
رد مع اقتباس