هنا

[البرنس الباوي]

أركض .. طاح اخوك ابظهره حط سچـين ..!!

بعد ماي الفرات لضيفنه نبديه.. والكطان الازرك ما نكر
شصه
وكل اسباب جوعي بدون استثناء.. كلها تروح فدوة لورقة الحصة
كبل.. خطار اجاني وصادفت عوز.. على خدودي شمع ذابت الكصة
ولأن تنوري طين.. وغيرته من الكاع.. خلص عندي العجين استنسخ الكرصة
هسة شبينه ليش.. وشختلف بالناس.. اذا يلتفت ضيفك ينوكل نصه
اهلنه البيت واحد.. شو صفو ضدين.. ملة تلوم ملة وبالكلب غصة
اركض.. طاح اخوك بظهره حط سجين.. لا غيرك يذبحه تفوتك الفرصة
سكرانه العدالة.. وناس تاكل ناس.. زمن صارن خوات العلوة والنصة
طم هور الجبايش.. وانفي كردستان.. وبكلب الرمادي خنجرك رصة
ولك مو عيب.. واحنه اللي نشيل الراس.. شلون جفوفنه تكظ راسنه تكصه
اختلفنه احنه بعلي.. وبعمر وبعثمان.. ولو يدري محمد بينه ما وصّه
المحتل اطلعه.. حط اديك وياي.. يامحتل طلع بالهوسة والخبصة
كطرة حيا انا.. وانت كصّة
يعرفني النشد عني.. والتكصّة
احنه جسد واحد.. والتكصّه
جفك لا تظن كصيت اديه
فدوة ارجوك تهده وتلعن الشيطان.. عسى من غيراك ببخته وبحظه
انا شردت منك غير تنسى الراح.. وطرفك عالزعل بيناتنه تغظه
انفطمنه على البنادق وانت تعرف زين.. الش***ة بلا نفع لو زعلت الفرضة
انا وياك سيف ونذبح الجلاد.. واذا تعجز ادينه بلوزته نعضه
العباس جدنه الما احتاج جفوف.. ظل حد السنون اللازم القبضة
جا شنهو عليمن ليش مختلفين.. انا شنهو القبلته وانت الترفضه
يجوز الما اكظه الخلل بالجفين.. اليعبر عليه جفوفك تكضه
انا غركان يمك.. اني اخو عثمان.. البجسر الائمة ماصفن لحظة
شاف الايد وحدة وناس ضكها الماي.. وعلى كد الجفوف الصاحته تشضه
انا دجلة الخير الما نست عطشان واخوية انته الفرات وترضة ما ترضه
اختلفنه باولياء الله.. وضعنه
واحنه الساس للدنيه.. وضعنه
وربك ما نغير من.. وضعنه
شرط الا تحط ايدك بدية.......

[مرتضى الطيب]

الله عيلك احمد
جدا حميل يسلموو

[بركان حبك ياعلي]

احسنت رائعه