هنا

[فقار الكرخي]

يا مظفّر ماهي نشدة
ولاهي لجروحك عتاب
وشوگي لو مال اعله جرحك
ينزف المالوم دم .
ولاني رايد كيف گمرة وطگة اصبع
اليريد يكيّف بوكته الگصير
يكون خالي ...
ومامش بگلبه مچان يشيل هَمْ
-لاچن- الدنيا طبعها اتفزز اطياف المضت
والطيف لو فزّ بحنين ،
وي توالي الليل غفلة يصير سَمْ
هو جرح لعيبي ينخه بچف عروسه
الفاضت اعله البلوة ذم
وچنها عيني تشوف كل نجمة عروس
بليلة الزفة تمزّگ بالنياح اكليله وعطشان شَم
وانت تدري .. و رَيْتَك بغفلة نسيت
شگد -مضايف هيل- عَمره
فگدت احبال العجيدة وعهد بيرغها انكسر
يا ربيع النه وشتانه
يالگلت بالشدّة آنه .
ارد انشدك واخلف النيّة الردتها
وهاي مگبولة تراهي .
امش ممشه شهور لا تطفر نهر
وموش -ابو العرفين- حتى اطفر نهر ؟
تلچم جروحي بعتابك
وافرح آنه بكل جوابك
من تگول اليوم باچر
يشبك الحانه وترنّه ويه الدهر








ذياب گزار إلى مُظفّر النوّاب

[عليـﮯ آلبصـرآويـﮯ]

حجي مسنع

شكرا فقاار

[فقار الكرخي]

الغالي

[علاء الساهر]

كلمات جميل جدا دمتم ينبوع الابداع تحياتي وتقديري لقلمكم الراقي

[↫روشة.•]

شكرا اخ فقار

[عضوية محجوبه]

كلمات جميله
شكرا فقار