هنا

[جبار العامري]

اشبيه الناس متغيره؟
عليه اختلفو اهوايه
اكبال عيوني يبتسمون
بس بالظهر سلايه

وين الطيبه والاخلاق
مختفيات شو هسه
ابكلبهم ماتت الرحمه
كلمن ملتهي بنفسه

شنهو الصار فهموني
وين الخلل ياناس
التحبه هواي يتكبر
يمكن قلة احساس

الطيب هسه مكروه
هذا الصار ويايه
اكبال عيوني يبتسمون
بس بالظهر سلايه

اتهمهم بس مصالحهم
هاي الناس مختلفه
سوده اكلوبهم صارت
ناس بناس متحلفه

العنده فلوس يتكبر
ميباوع عل الفقره
ميدري الدنيا دواره
وبجفها باجر اسطره

ميغزر بعد كلشي
هاي الناس اذتني
ماصاحب بعد واحد
كافي اهواي جرحتني

تخجل جانت الوادم
هسه أهواي صلفه
سوده اكلوبهم صارت
ناس بناس متحلفه
جبار العامري

[آمــالــ]

جميل ❤️

[ايليتا]

الناس في زحام الحياة
ضنا منهم يبنون السعادة
بينما يهدمون أنقى العلاقات الانسانيه
مع الأسف واقع حال
دامت انفاسك طيبة