إسمع یا هوا فاتحلک إلشبّاک
دخّل إتراب حایر یفتر إبجوفک
أظن حامل رساله إمن إلأهل مبعوث
توصله إیسر حبیبه هذا معروفک
أود أشتم هواه حیّرنی یحچی إبزود
إتدلّل و إقترب لا تبتلی إبخوفک
تدرینی ورد عطری ینسّم بیک
أشم ریحت هواک إو أنت ماشوفک
لا تکسر گلب شایل محنّه إو طیب
أحن و أشتاق إلک من أنسل إزلوفک
خلّینی إعلی بالک من یچل إللیل
لحظه إبلحظه إمرّک روحی إتحوفک
نکرمه إلضیف حتماٌ من یدگ إلباب
لأن مفتاح حبنه گفله بحروفک
حط مفتاح گلبک بیدی و أتحدّاک
أجیک إبعجل و أعلم شدّة إظروفک
إذن ما عندی عنوان إو أسیر إعلیک
إعطینی رقم بیتک و أبد ما عوفک
جاسم ثعلبی
رد مع اقتباس
