مضن یومین إلک ماجیت
شنهی إلعلّه حاچینی
إنتظرتک ما أنام إللیل
بس إیصب دمع عینی
کتلنی إلسهر و إشتاقیت
إبغیابک منسجن بإلبیت
إشعجب ما لحظه إلی حنّیت
من غیرک یداوینی
صعب ما ینحمل فرگاک
ولا لحظه أظن أنساک
ما قصّرت دوم إویاک
إو ما أعتقد ناسینی
هواک إلّی یعذب إلروح
مثل عطر إلورد و إیفوح
أحس گلبی إبألم مجروح
و أحس نارک تچوّینی
چا وینک جفیت إویای
إلعطش ضکنی إو هواک إلمای
علیک أسئل إلرایح جای
ردتک بس تهدینی
رنین إلعاشقین إیفور
نص إللیل بیّه إیدور
شبه خبزه إبّطن تنّور
مشتویه إو تجلینی
تون و أنا أون بإلدار
ما تنحمل طبعک نار
إمعابینی إو تدوّر ثار
قصدک بس تأذّینی
محتار أنا دوم إویاک
چی گتلک أروح إویاک
و إبضیمک أصیر إدواک
أضرّک من تعادینی
رد مع اقتباس
المشاركة الأصلية كتبت بواسطة مِـيهہرَمــآهہ ♬✿
