هنا

[فقار الكرخي]

وين انته يبعد صباي
سچچ لعيون ما تندل تعابيرك
ومطرلك سوالف شوگ
ويخضر زرع خيرك
وحصد كل ثمر راوي بعناكيدك
وضوگ افيش
وفرشلك
حظن مشتاگ يرهملك يواهس ريش
شحلات العشگ عذري وياك فطرة وطيش
وتبده عوافي
ابريجك الفحطان وشرب خمرة زلوفك
وصيرن عين وفزع وشبگ اطيوفك
ولا شوفك
يوجه الماي
ما كدرو يشمونك عطر وبخور
لگو جم يوسف بوجهك كحل منذور
ما طاحت
اديهم شوگ
كطعو بالجفوف انحور
ولا يدرون
ماتو من قروة وجهك ولا يدرون

يبرزخ عافية
بيا صوب اشيع روحي وتعنه
وحظن ذنبك بكل حيل وطرد ريحة الجنه
ولم الكون بجفوفك نذر حنه
اريد اوياك اتمنه

يبعد رويحتي اتمرجح جبيرة زنودي وتكفي
انه ابلياك خوش انسان
متوفي
ضياء كاظم

[عضوية محجوبه]

شكرا الك فقار

[فقار الكرخي]

غالية