هنا

[فقار الكرخي]

ممكن نختلف
بس نفترك صعبة
انه وياك سيف مچلب بركبة
تبعد انذبح
تدنة اچلب بيك
مشاعرنا وطن واثنينا بغربة
الحلوة البيك تندل اليطيحن ماي
جربت الدمع الينزل تشربة ؟
جربت اشتياقك ينعرف باللون ؟
روحك تنخطف بس وجهك تصلبة !
تكسير الاصابع ، القلق والخوف
الشهكة البصدري ، احساسك مجربة ؟
سندان وصرت بأيدي وطحتلك ماي
وانت فراكك بچفينك تصبة
شايف من تضل وحدك تدور اعذار ؟
وحلك الشامت بچفينك تعصبة
هيچ تضل نذر ينعرف بس للخوف
وتكفر بالعشك بس گلبك تغصبة !
انه وياك جُملة مركبة بتزگام
خطيتك بصدري شمالك تشطبة ؟
خايب كتلك هذا گلبي قصر فوت وعيش
تركض على فراكي بجدمك تطبة
بانيلك حلم ينحجي وما ينشاف
تفززني بچفة وبصوتك تخربة
صح من نفترك
نفترك بس اجساد هو المختنك
ينلزم من كلبة !

[عليـﮯ آلبصـرآويـﮯ]

عاش فقار تخبل مثلك

[فقار الكرخي]

بعد روحي
وعلي نورت الكون

[افول]

جميل جدا سلمت

[↫روشة.•]

كلش حلو استمر يلمبدع

[فقار الكرخي]

منورين الكون

[علاء الساهر]

حرفُكَ رَبيعٌ فاتِنْ ..
كلمات تصل الي شغاف القلوب
وقلم متميز ينثر عطرة هنا وهناك
الإلهام لبُ الكتابة حقا ..
أروتني أحرفك حد الإكتفاء
لقلبك بياض لا ينتهي