~<{{ سوادين }}>~
تعال العب علي وأنه العب اعليك
حتى اثنينه نلعب علينه
انسد اجفوفنه ونكسسر اعظام
انبيت والمحابس مو بدينه
واعدني ابحلم وانه اعتني بطيف
او نغش ارواحنه انكول التقينه
سل سيفك علي وانه اسحب السيف
جذب.. ونصيح هاخوتي انولينه
حتى الناس من تفزع على الصوت
انكل لليعترض .. شعليك بينه
عشك تالي العمر يعني السوادين
خذانه بروجته وبلوه ابتلينه
كبر بينه العشك من جنه عقال
او من كثر المحبه اتسودنينه
ابتدينه من الستاره اندستر الخيط
يعني من السكف احنه ابتدينه
او من تم البناء ولامس الكاع
طرنه من الفرح... كلنه انتهينه
ورجعنه اعله الطفوله ولعب الاطفال
تزاعلنه... وتراضينه... وحجينه
وشمرناهه( العواجي ) وايد بالايد
رجعنه الحيل الاول من مشينه
وفضحتنه السوالف والمواعيد
وتلاصف شيبنه ومنه استحينه
او كسسرنه المرايه الفضحت الشيب
ولكينه احفادنه تضحك علينه ،،،!!
رد مع اقتباس
