بهاء سوادي
دَيرة گومـي
وين اگـوم؟
گومي نتلّمس عذابات الوكت للعاشگين.. ،
نشتـعل؟
يشتعل دمّچ ودمّـي ..
ويشتعل
رب للغَـرام ..
ويشتعل رب للحَنيـن ..
ويتشعل ربّ أعلى شاطي الروح يضـحك ،
بَس حزين ..
دَيره گومي ..وين اگـوم؟
نمشي انه وياچ بالدنيا نَهـر مايـدري وين،
ننسحـن؟
ينسحن گلبـچ وگلـبي ..
وينسحن
رب للعَذاب..
وينسحن رب للونـينْ،
وينسحن رب للخَـجل فوگ الخِدُود
بگطرة من بَحر الجَبـين ..
ونمشي والخطـوة سكوتْ
نمشي انه وياچ نـندلّ ابّعضنا وتايهـين،
رد مع اقتباس
