هنا

[البرنس الباوي]

ليل و ضلام بغرفتي
و دمعاتي عالخد سايحه
دمعي النزل خصر ورد
و لوساده صارت سابحه
مو دمعي طاح عله الأرض
چن عزه هيه الطايحه
شامت أجه كبالي وكف
سمعني كلمه الجارحه
و قريت بعيونه الخبر
زفة حبيبك رايحه
حسيت ساعتها أنتهت
فرحتي وصارت فاتحه
و تسمع نواعي بضحكتي
ضحكت يتيم بنايحه
كلبي الوكف عن النبض
وكفه جليد بلايحه
الموت أخذ صوره الي
وياي أنه مصافحه
وعلكها في حايط جثث
من مشت زفة البارحه
بملوحتي مبين أنه
معرفت طبع الزايحه
أملح لچن ما غزرت
عشرتنا ذيج المالحه
كالولي باعك بالرخص
كلت التجاره الرابحه
كالولي يمك لو يجي
كتلهم أعرف واضحه
خل يرجع بداعة عمر
كل ذنب أنه مسامحه

[مرتضى الطيب]

جداجميل
بس لو شويه مكبر الكتابه

[ღ عِشق ღ]

تم التعديل

شكراً لنقلك