عريان آل سيد خلف
ومدري بأمرك ،
وانت لاظنة وفه
ولاوصل يل وصلك فرحتي
أبگة أگل للروح لو جرحي انلجم
ياروحي اسكتي ،
بيش اجيتي وبيش رحتي ؟
من كثر فيض الحجي الزايد
مثل طوفة انهدمتي
ومدري احير بلوعتي
لو احيرن ابعملات وكتي
وانه ياانه شكثر ليل
البعد سامر دمعتي
وشكثر ونت خلك ،
وانه
ال ولا تنشال ونتي ،،
لو اهدلها الرسن
جاملخت لاگات ريتي
وهاي انه وياج بهدة
وياروحي من روحج جزعتي
لا استحيتي من الصبر
ولا من حجي العالم خجلتي
آنه آنه ..
وانتي انتي ..
لو اراويج الصبر
لو بيج اجي اعنايه اعله ذلتي
وادري بيج امعذبه
وضكتي المرار وعيب تبتي
يالمثل كطرة مطر ..
وبصبخة البذات ضعتي
مدري شمضيعه ابخلك
بيهم سبع موتات متي !
ليش ياروحي سكتي
بيش اجيتي ؟
وبيش رحتي ؟
رد مع اقتباس
المشاركة الأصلية كتبت بواسطة خالدالسعد
