هنا

[فقار الكرخي]

لا تحزن اذا شفت الصعد مذموم
يجوز انسان تافه و الزمن علاه

و الماله عرف بوجوه هاي الناس
يمكن فرغ جيبه ومحد ادناه

من تمشي الجنازه يبين المكسور
من لزمة اصفاحه ومن ثگل ممشاه

ثياب مشگگه و الحرگه بالباكيت
لسابع جار توصل چلمة الاحاه

اكو يزت الجنازه و حدّه باب البيت
و اكو ما يكتفي حدما يموت وياه

مبيوع شكثر مو بشر سلعة بيت
مو للورث تنفع يوم الموازاه

اكو بيهم يهدك من تچلب بيه
و اكو بيهم يفشلك من تهد وياه

و اكو يريي نعم لكن يربي طيور
و اكو يربي زلم يتنومس بملگاه

و اكو عنده مواقف بي تكحل العين
و اكو الموقف يگله من عمت عيناه

لا تزرع شتال بگاع صبخه و بور
خاويها بنهر و احصد التتمناه

الگاع الما تخضر مامجربه الخوف
بس اكسر ظهرها بطگة المسحاه

[عدنان الواثق]

ما اجملها من قصيده يافقار

[فقار الكرخي]

عدنان الذهب

[عضوية محجوبه]

شكرا فقار

[فقار الكرخي]

غالية

[آمــالــ]

حلوو حيل استمر ❤️

[فقار الكرخي]

هو راح استمر

نورتي

[dr.Nafes]

عشت

[فقار الكرخي]

عشت

الغالية نورتي أمة محمد

[↫روشة.•]