چبيـر انت
چبيـر انت
لحد ما كل خيالي يضيع بوصافك
چبير لحد غفه بظلك شجم صبير
لمن شاف صفصافك
ينجم بيا كتر ضايع ...اشوفك وين؟
يا غيمة التصحي اضنونك بشوفي
ويـاليـل اليجيبك حلم لطيوفي
اخافن گمت من خوفـي...
وحتى الگطرة من اتطيح بستمرار
بوجه كل صخره تتثقبْ
وهذاك انــت...!
ولا همك حچي اعيوني
يصفنة عاگر شتنحب
ينجم الليل بس الليل ...يبقى وياك يتعذب
يا ليل اليلم حزني ؟!
اجيك اضحك سمه بعينك ..واردن منك اهلال
بظهر محني
انه ما حاچي عشگك حتى وي روحي
بس الشوگ صيحني
بس الشوك صيحني...
حيدر حسن
رد مع اقتباس