خرزة مال محبة ونسوان
قبل كم يوم جنت يم بيت عمي
وهذا ابن عمي يموت عالمحابس
حاطلة سطل مليان محابس كتلة اريد محبس
كالي مال شنو تريدة . محبة . رزق . حسد . وكام يعدد
كال هذني كل واحد اله اختصاص
انت مال شنو تريدة
كتلة عجبني هذاك الازرك
كال هذا المحبس شغلة مفاصل
بس لازم تروح لأبو المحابس يختمة بأسمك
صدك نسيت اسلم عليكم بداية الموضوع
السلام عليكم
اني رجلي توجعني ضربوني بالطوبة
اخذت المحبس ورحت للكاظمية
شفت ابو محابس واكفين ولد ٢ يمة ويهوسون
كتله خالو اريدك تختملي هذا المحبس بأسمي
جان يعيط واحد من هذولة الجانو يهوسون كلي هذا المحبس مال نسوان
منو باعلكياه
ضليت لازم كلبي كلت بس لا هذا ابن عمي بايكة منهم
كتلة اشتريتة
جان يكلي هذولة اهل المحابس كلهم كلاوجية
كتلة شلون كال تعال اسولفلك وجرني على صفحة
طبعا هو الولد مراهق من ذولة اليدورون نسوان (جماعة رماد)
كلي اجيت اني وصاحبي نشتري خرزة مال محبة ولكينه واحد هنا كاعد يبيع كال هاي خرزة سعرها مليونين
وشرط اذا متشتغل بالمكان ما مقبول
يكول كتلة اكدر اجربها
كله عمي اذا تلزمها بيدك تصير عليك كتل النسوان
يكول بعد ما تفاوضنا كتلة اذا اشتغلت صح
هسة اروح للبيت اجيب مليونين واجيك اشتريها
يكول انطاني الخرزة وكلي روح اوكف هناك وخلي صاحبك يمي خاف تطفر بيها
يكول اني شوية مشيت وجان تجيني بنية وكالتلي فديت هالجمال
يكول اني بطني صارت اسهال
ولك اشتغلت الخرزة
وضلت تلح البنية اله انطيها الرقم ورقمتها
يكول او ورة دقيقتين جان تجي بنية ثانية وضلت صافنه علية وانا صافن عليها
وجان تشمرلي بوسة
يكول اني رجعت ركظ على ابو المحابس كتلة عمي اني مشتريها وهسة اروح اجيب فلوس واجي وهذا صاحبي راح يبقى يمك خاف تبيعها
جان يكلي ماطولك جربتها هاي ما ابيعها غير ٣ ملايين
يعجبك اخذها ميعجبك روح
يكول رحت بعت دراجتي وايفوني واداينت وجملت الباقي من امي ورحتلة ثاني يوم اشتريتها
يكول وطلعت مسيطر اليوم ما اقبل اله بالصاكة كلش
يعني مال تجيني وحدة جمالها مقبول مستحيل اقبل بيها
الكاظمية بيها هواي نسوان يكول وضليت افتر اريد اصيد
اشو ولا وحدة تباوع بوجهي
يكول طلعت الخرزة افرك بيها ماكو شي
يكول كلت خل اتحارش بوحدة وهي تكوم تركظ وراية
تحارشت بوحدة وجان يلزموني جماعة العتبة جنزوني
يكول ماخليت شي ما سويتة وما اشتغلت الخرزة فرجعت على هذا الباعلياها لكيتة ماكو
سألت عليه كلولي هذا قفاص
حاط وياه بنات ٢ من يبيع هيج خرز
يخابرهن ويجن عود انعجبن بيك حتى تصدك عود الخرزة اشتغلت
هو ابو المحابس مفهمهن الفلم
ويومية يغير مكانة
ضليت صافن
كلت هسة اني شجابني يم هاي السالفة
بعدين اخذت من خاطرة وكتلة الله يعوضك
بلة متشوفني الخرزة
طلعها شفتها كتلة ولك هذا مغناطيس
من هذا ال٢ بربع
كتلة هسة لو هاي الاخذت رقمك تخابرك عاد اطلع فلوس الخرزة
تالي اخذت محبسي ورجعت للبيت
رد مع اقتباس
المشاركة الأصلية كتبت بواسطة علي الواسطي
