هنا

[خالدالسعد]

كاظم اسماعيل الكاطع


متت بس شعرك اموزر
على طيور المدينه التم
مثل لمت الضوه برازونه الهندس شمر روحه
صاح اشمال هاي الناس ظلمه تعيش
بح صوته اثاري الصوت للغرگان
محد يسمع بنوحه
رسم بالظلمة فكرة وعايشة بلوحه
رسم گلبه شاف الناس ما مهتمه بجروحه
ضل يرسم ...
ورسمه اصبح رسالة وينقري اطروحه

على الميتين ...!
شر دمعة على احبال الرموش
وشربت اخدوده دمع شوفه
انت اول كلام انگال بس مافهمته احروفه
وبدت بالظلمة لمعة خوف
وبليل ودرب تايه ...
كلمن ميت بخوفه
وعلى خوف الجثث هم خاف!
درب دم وبقايا ارماد من اعظام محترگه

خنسه الدرب من يمشيه ينگل چدمه بالبسكوت
خايف لايفضحه الشيب بزلوفه
وبدت تدنه هاي اللمعة لعيونه
جرح گلبه ونزف روحه
بده يشخبط بدمه ويمسح اللوحة
حتى يضيع بين الناس
حتى ايضيع بين اجساد مطروحه

لحدما صدت بعينه
وقراها وشافها النجمة الرسمها بكل تعب روحه
وتحسف لأن شخبط على اللوحة !
ونسى اجروحه...!
لحد ما مات بين اجساد مطروحه
لحد ما مات بين اجساد مطروحه...

[جَنـوبـيـة♡]

الله يرحم الكبير كاظم اسماعيل الگاطع.


يسلموو ع النقل

[خالدالسعد]

يسلمك الله نورتي