هنا

[فقار الكرخي]

بيه نار
امنين ماتكمشني ادخن
طـــــوز حرمل تارس اغروبك شرار

وبيك هيل
الليل وزلوفك خوات
اتمغط بزيجــــك گمــــر طگ الزرار

سكرتني
الديرم بشفتك خمر
مو حلگ من عظعظيته اتگول بار

زعفرانك
عــــود ذابل
من اشبگك يصعد ابطولـي الصفار

ومن اجيسك
يوگع البرحي المرطب
والچفوف اتلوح عنگود الزغار

ومن احط ايدي
اعله خزنة مستحاتك
كل قفل ياخذله مفتاح بوقار

لاتروح
الفرگه موت
ومنجل افـراگـك ترف يطلبني ثار

واعدتني
العشره دوم
العايش بروحي دهــــر ماگله جار
وبيه نار منين ماتكمشني حار








علي الخليفاوي

[خالدالسعد]

الله روعة

[فقار الكرخي]

نورت يالغالي

[لاڤندر]

شكرا جزيلا لحضرتك

[فقار الكرخي]

ضويتي