حزينة الروح
حزينة الروح
حزن الكاولية بليلة تراب
حزينة الروح
واغيابك تفصله اثياب
ماظل لون لآخر ثوب
حدر العين الاسود ذاب
حزن الروح
كتبة زعفران بماي
واليقره الحزن يعمه
بلايه كتاب
حزن الروح
مثل السرّة من امك ..تظل نيشان
لاهي جرح
لاهي صواب
شيفك الحزن ..؟ والروح
حلوة لكل حزن
مثل العشگ
مامش حزن چذاب
مامش من حلاتك جرس
وانت اكثر ..حلاه
من طيحة المفتاح يم الباب
ريسان الخزعلي
رد مع اقتباس