أحب اسوالفك
شديت الكصيبه أو غفه الليل بليل
وزلوفك تراجي اعله الكمر تضوي
اعطش لهفتك والماي ألمه امتاع
مايروي النهر بس شوفتك تروي
يبستانك جريدة أو غنوه بالسبعين
وين الرايج اب تينك اريد أحوي
أرجف لذتك وترك أثر لضوك
واشبگ مستحاك أو بالخجل تجوي
واسافر بيك طير النبي استوه احياه
وكابل قبلتك واشتمك أو انوي
يريح ورمشي عضفه نصبني شراع
واليخفك هواك أو غيرك اشيهوي
يحضن الهور ابديلك صفنتي غيوم
ضمني اب عش ربيعك بلبل يغرد
كاسرني اعله كيفك بدي بيه الشيب
عطشني ضحكتك واهك التسرد
أحب اسوالفك واكسر خيالي عليك
أب صريفه وخلك شايب بيك متمدد
تعال أو خلَّغنيلك غنه ام كثوم
أو عله جرف المسامر ذاك خلنكعد
وشتلك خضاري أو عنبر المشخاب
بس شدني عله أيدك علك من تحصد
مرتضى الكلابي
رد مع اقتباس