ضميني ابحلم
من يبرد الليل
مثل شجرة
تلم - ليل - العصافير
يا امي
وبعد كلمة دللول
يبني يالولد
لولتلي ازغير
تصاويرج نضمهن عن
الزغار
و نصفح اكلوبهم
نلكة التصاوير
صباح الخير وجهج
جان كل يوم
ومن انشال نعشج
شال كل خير
يمة
وصورتج
مرسومة ع الباب
شلعت بابنة دموع البسامير
مثل شيشة
عل كاع اتكسرت ضيم
عليج البيت
كلبة اليوم مكسور
يمة ابّينة
ولا عينج تنام
هسة شلون نمتي
ابين الكبور ؟
يمة اولادج لخبزج
يتانون
وبنار الكلب
ضل جدرج ايفور
هاي اكلوبنة
و جيّمهن الضيم
مثل ارماد
صارن بطن تنور
ردتج مبخرة
بعرسي تشعلين
ماردت اعلة كبرج نشعل ابخور
رحت اشتري الحنّة
لحنة ايديج
مارحت اشتريلج يمة كافور
هل عيد الفطر
ومعيّدة الناس
واحنا ابّيتنة
اليهسة عاشور
خالد السعد
رد مع اقتباس
المشاركة الأصلية كتبت بواسطة الجنووبي
