[CENTER]تهديدي مثل الطفل جذاب تهديدي
كتلك اشك الصور وبجفي جبت المكص وصلت وصارت صدك كصيت جف ايدي
ترة الوادم بجفة وضيمك بجفة
يتابوت العزيز الضال وسط البيت علي ضلتك كلفة وروحتك كلفة
شمرتك بس شمرتك حتى افوزن بيك
انت اسم الشمرته بقرعة السلفة
لا مرك حزن لا ليل لا تدخين
وانا محدب من الله ضهر سعفة
وجبت خشبات بيدي وكلت ذني احلام
وطفت نار الشتا ما دبرتها تنام
حركت احلامي بيدي وكلتك تدفة
شسويلك بعد كل هذا ما كفه
وتلاكينه وبجيت وعينكم صلفة
جنت بجنازه امي ومر علي صوتك
وبقيت براسي افر شلون المهفة
وتلاكينا وبجيت وعينكم صلفة
كد ما بينهن كطف الجكارة ينام
وحكك ما تلاكن شفة وي شفة
ورانا ثنينا الوادم تطش جكليت
بس واحد شهيد واحد بزف
وتضحك لو بجيت وتبجي من اضحك
محيرني مثل بائع الممنوعات
يعرضها البضاعة والتكتلك وين يكلك هذا زين وهذا اكثر زين
وتضل بحيرة جاي يضرك ينصحك
ورغم كل الجرا منك
ورغم كل الحصل منك
من سألوني علغالي كلت جرحك
القصيدة مو كلها جزء منها وهاي اول مشاركة الي✌️
رد مع اقتباس
