بالعراق نگول ؏ــلىٰ الممثل خوش ممثل من يبچي، ليش ما ادري؟ مع أن أعظم المشاهد الحزينة بالسينما و الدراما العالمية صارت بدون بچي، و مرات بدون موسيقى بدون حوار بدون صوت الممثل يوصلك من خلال ردود أفعاله أقسىٰ درجات الحزن و يخليك أنت تبچي بدون ما ينزل دمعة من عيونه، حتى طريقة البچي عند الممثل الجيد بغير مكان ما تشبه طريقة بكاء الممثلين هنا، مو منطقي ابد الممثل يبچي طول شهر رمضان لازم يعرف من خلال النص وين اللحظة المناسبة للبچي حتى يستفز مشاعرنا و نتفاعل ويا المشهد، لذلك حتى الماعنده إهتمام صار ينتقد الأعمال الرمضانية.المشاركة الأصلية كتبت بواسطة رمـْـْْـْــــــــآڊ;89867 29
هذا المشهد من فيلم Dallas Buyers Club بطولة Matthew McConaughey، من عرف البطل أنه يعاني من مرض خطر و ما باقي من حياته إلا ايام معدودة، راح وحده بداخل سيارته أنهار بهذه الطريقة و حتى طريقة تقطيع المشهد هذا و ربطه مع باقي المشاهد چانت صحيحة و القطع داخل المشهد نفسه چان صحيح و أداء ماثيو ما يحتاج اگول عنه شيء، حرك مشاعري و تعاطفت وياه و حسيت بكل ما يحس بي لان ما خلص الفيلم من اول لحظة لآخر لحظة يبچي، و هذه تنحسب للكاتب و المخرج و الممثل. و شكراً
رد مع اقتباس
