القصيدة: سر الله
أداء: مسلم الوائلي
كلمات: حسن الدراجي
~~~~~~~~~~~~~~~~~~~~
أبا الحسن يا علي أبا الحسن يا علي
~~~~~~~~~~~~~~~~~~~~
علي الشجر علي المطر
علي السحب علي الحجب
علي الشمس علي القمر
علي الونس علي الأمس
علي البده علي الفجر علي .. علي
من اول آدم وانته حيدر والله يحجي بنبرتك
حرز امي انطتني بيدي وجان حرزي صورتك
وعرفت الله يحبني وهل رزقني محبتك
قدست عيونك بالصوره
يا وجه الدايم نوره
يا جبر الناس المكسوره علي
~~~~~~~~~~~~~~~~~~~~
علي الفقه علي الدرر
علي الشرع علي الغرر
علي الصدگ علي العشگ
علي النده علي الورد
علي النهر علي البحر علي .. علي
حبك فقدني صوابي وما شفت غيرك صواب
ابليس لو گابل عيونك ضوه عيونك جان تاب
من اتراب آدم يحيدر وانته اسمك ابو تراب
يعني آدم من بزرت حيدر
المو عاشگ يفهم ما يگدر
سر الله الصديق الاكبر علي
~~~~~~~~~~~~~~~~~~~~
علي السند علي الوعد
علي المضه علي البعد
علي الضوه علي الهوه
علي الستر علي الصبر
علي الاحب علي المدد علي .. علي
انت نجم الله الثاقب يا علي وشانك جبير
وين ما تشرق محمد وين ما تگعد امير
انته اشهگ هوه الباري وگلبي يشتم الزفير
هذا الكون اشگده اشكبره
ما فهمتك بس الزهره
يا في الله وعشگ الفقره علي
~~~~~~~~~~~~~~~~~~~~
علي البطل علي النزل
علي الفتح علي القلع
علي المله علي الصله
علي السجد علي الركع
علي الأسد علي الفحل علي .. علي
ثاقب العالم بعلمك من النهج للجفر الاحمر
ياهو اسد فتيان غالب ياهو قالع باب خيبر
ياهو رد الشمس بيده ياهو قطب الدنيه الاكبر
بس انته وماكو يشبهونك
سر الله انضم بين عيونك
هالة نور واسمر لونك علي
~~~~~~~~~~~~~~~~~~~~
علي الدعاء علي المجاب
علي الزبور علي الكتاب
علي الكتب علي الصحف
علي الأرض علي النبض
علي الملك علي الترب علي .. علي
في غياهب جب يندبك يوسف دخيلك يصيح
ويا علي من يحيي ميت بسمك يگول المسيح
وين ما ذكرك يسير ينولد شوگ وضريح
ويونس جان يصيح بحوته
يا حيدر حيل الله وقوته
وداود يناجيك بصوته علي
°°°°°°°°°°°°°°°°°°°°°°°°° °°°°°°°°°°
رد مع اقتباس
