على جناح السفر وياك.....أريد أبليل تحملني
أخذني وياك
أصير أصبع خطوبة.. وجفك ايظمني,,
آخذني الواهس أدروبك,,,عندي جروح ماتشفة
شنو لذة سواد الليل...لوما العين بي تغفة؟؟
أخذني وياك
للحب
للسفر
للوادم الطيبين..للضحكة وبواجيها!!
صفت روحي سفينة بريح
ما شاطي اليرسيها!!
أخذني وياك
مليت السفر والهم!!واجناحي اشتعل بالريح
تعبان الجدم,,,,والروح
لو تنهض بلحظة أتطيح!!
شيفيد المطر والغيم....لوهي الكَاع ما تحمل؟؟
وشيفيد الدمع بالعين..لو هو بحزن ما يهمل؟؟
يادمعة فرح
من عيني أخاف أعليك
ياجمرة ضلع..وبناري أخاف اجويك
أخذني وياك
شيكَول النهر للماي..لو جرفه ابتعد عنة؟؟
وياذلة السمة بالليل...لو غاب الكَمر منة!!
ياشاطي الأمان...وروجتك من نور
يازهرة غرام....أو وجنتك بلور
أخذني وياك
أريد انفض حمل تعبان
واجدام السفر يم بابك اشتلها
أريد أشراعي هم يرتاح
وتصير انته المحطة..اليوكَف ابضلها
طبع الطير لو هاجر؟هم يرد أردود
حتى المطر بي أطباع؟لا بد للشواطي أيعود
وانهّ امتانيك,,,يمتة تعود؟؟
أخذني وياك,,,أخذني وياك,,
************
رد مع اقتباس
