من واقعنا الى واقعة الطف إلى صاحبة الصبر العظيم
دور الدم گضه وصار الصبر راية
وكل حي بي خلگ وجدام
يرگض يشتري الگيعان وتعبان بجدامة يدگ ثايه ....
يـ لبخلگج
شريتي الگاع واالنهران والمعبر
مو اي ريش بس السبگ الينوخذ للمحبر
او من جرحج
نسف ضمادنه ونخفت جمر بيدج
تجاعيد الزرع جذرة يالبگلبج تجاعيدج!
وبده موسم حصادج و القصور اللواح
نزت بالعروش وهوت بالوادم ...
او ضل بس الرمح واگف اعلي فلاح
وضل يگطر خضار الرمح لون
يكشف المصوفر
واجتهم ريح تعصف تشلع سباح
ماخلت زرع يابس !
او شيوگف الهوه الغاير بلايه اجلال
مافوگه ثگل فارس
وجذبهم صار مهره ارماد
ماتحمل بعد جرت رسن سايس
وبده الجمار البحچيج سعف ينمد
ولصيف عيونهم موگد
وضل حجيچ
سعف گبل المطر يعرگ وماينشف
ولايرضه رماد يصير
اليضل بي ماي باچر ينعزل لسف !
والتاريخ شال مريته وفلش او وجوه الوان
ومن غيضه يچمل المحبرة الزرگه
ويدور بالشظاية حروف مايلگه
ويرد الجالكم خايف
ويكتبكم وانتم ناس
گبل منادس البيبان تتلگون صوغت
ليلكم خطار لو حايف ...
او من فحطت ملامحكم
وگف كل الصدگ عل الناس التجذبة
ولزم جذره وصبر يدري الجذب يمشي
شيوگفه على امتون النهر خشبه
التاريخ من يكتب يدور الطين
والماله جذر ماينحسب گصبة
مهو يناحر السيف الصوت مو رگبه
واتزته الذمم وريح
ولحد احنه و بعدهي اخيولهم تسحگ
وبعدهي امالنه تخضر بطين الشايلة الحافر !
و عگب دمكم وتيهنه
و زتينه السواجي اعلى اللواح الماتشب باجر
وضيعنة المساحي بسكتت الشاعر
بس الحلم مايگضي
او ولاضن موت يگضينه
اوجي من الجثث يترمم الساتر
يضل الصوت گايد كبر اسامينه
ونغفي اعلى الوعي ونحلم
ونخط بعيونه على الدم
يمولاتي العيون من السراب اوهم
ويضل يكبر بگد احلامنه البينه
واهم يشري الرفض مانام
من يگعد الشابع نوم ماترسم وطن عينه ..
تره عود الزرع ما مال
چي راضي اعلى ثنيت جذرة البطينه
وچي گاع الجرف تدري
مايگدر يضم حدها الگصب دام النهر يجري
و كل ماي اليجي ثايه
وبعد ماي الجبين يكت
و گالو گاعنه شويه شيقنعها المساحي التاعبه هوايه
رد مع اقتباس
