اجيت اصواب گايدني..
وتميزت الچم معبر
بجي وصواب بعيوني
شيعبر اشوف من بين ادمع والدم المخثر
ساعه بعرس ساعه ابفاتحه اتنشد
اجيت يگودني الصايح
وشيلم الجرح بالماي
وضماد الدمع مالح
وجع ملح الضماد من الصواب اكلف
وگلت خليه موش الواح
طين مروز جرحي من اسحگ ينشف
وانا ادري
غشيم ومايراوي العيب
خلگي مراية معرسين
خفت تخطف وماشوفك
المعاگب يفحط جدم المتانين
انتضرت وتيهت مولاي مو جاي
دليني وگومن ليك گومت گمر من الماي
جبت گلوب الك وياي
وين النذر دمة الجيتك وعليك شوگه يصيح
اخذت من الگصب عبرة
اليخضر بالجرف وحدة تطيحة الريح
هذا انا على يبوسي
شكثر جل اعلى متني اطير
لأن من الخواطر ريش ماكاسر
اضل بلوح فزاعة
واشب مثل شجر واثمر
اذا ماي السواجي يصير من خاطر
واعزب اطير گبل الوح جن اخضر
وشفت الروج مايعلة يموته الماي المحير
اجيت انا ..
و وگود المشعل البيدي
قصايد وادم تريدك
ويوصوني
غده طين الدرب يلخاطرك بيدك
بالك ينكسر ضمه بتجاعيدك
والمعبر بعين المثلي طفل انفاس
او ماترهم شبخته وتدري ماينداس
________________
ومن دسته وگع گلبي مثل مايوگع المكتول
والمكتول خوفه يصير نفسه براس فجاره
ورحت شلته وصرخ بيه
اشمع يتغاضه عن راسه اويوجب لزمت اكتاره
وجيت اعثر وگوم وتخر بيه جروح
دمهن يرسم فراگي
وبعدني ادورتي المامش و غير اشوگ مالاگي
ولاني الدم وگولن هاي موش جروح
ديرم حطه جف يرعش اوسال ولثگ ازياگي
حطب يابس وگع گلبي
يرفض نخوة الدخان اذا صح موگد يلفي
موش اخضر وگع
ينخه اعلگد اشوف بلجن وادم اطفيه
رد مع اقتباس
