(( هودج هاا ))
و متانين
شتتنه اصبر ع الگاع
تسحگنه اليالي بغيض
وبدوس اجدم يلتم شتات اطين ومتانين
تانينه خلگ فحطان يلهث
وبحماده وشوگم تموز
وطوارشكم
سواجي اطيوف مرنه بحضنهن كيض
رادن من دمعنه احروز
نفحط والكوار يزيد نتصبر يلن ندري
الخلگ شيال نهبت من خلگنه انوگ
ننطركم زرع ريحان، فوگ مروز
يسحگنه اليريد ايحوش ونتاني
زرع مسحوگ
هذوله احنه
ارسايل لو ملح تدي نحطه اشداد
لن اجروحنه اتعزها
او واحدنه غشيم اعيون فك عينه
اعلى صفصافه حملها تراب ويهزها
وهذوله احنه
تانينه رمد، وديره كلها اعيون
دوم ابكل جفن مفروك
شجره ابطارف الصوبين ورخيصه
سعره الحيل ويداعي اعلى حگها اشوگ
تموت الأه
اذاه خاوت اشفايف افها من الطين، ومتانین
اطير البسمه امجنح اذا يسمع
حجي زنجار واصل للقفص يزعل
وهذوله انتم
سجنتونه حديد بماي ينشال الجريب اشوف والفرهود بلمضموم مايندل
ومتانین علگنه عشكنه
اگبال غيمت صيف
نيشان الغشيم يعگب مثل اصوت
اونناشد ماعطشتونه وكل عطشان
يدري البلم من يعطش
يشگ روحه ويدور الموت
ومتانين
في عيطت نخل
جم دوب نمتد علدرب كله
وذا مريتو لاتجزونه وصيحو
سعف بينه يسد الشوف جا شلنا
لجن يومي عكس باقي اسعف كذله
وبلملاگه ننصي الشوف لايتعب
نماشيكم نخل ،
ننزع كربنه ونلبس الدخان
غشمه احنه و خذنه الراي
جي شفناها ماتنشد
العميه اتحس اجاه اليل
من يبرد حجي الشباج والبيبان
لجن طحنه عرگ حمال
من ننشف نخلي اثار بلقمصان
لو رديتو تلگونه
حطب مكتول
فصله ارماد والفجار مامندوم
گام امن الطلابه
ابراحته اوابيض وجه ادخان
شناکم حرز چذاب والوادم يعيرونه
صبغ ماشي بوجه ازنجار
من يوكع یرد لونه
يروج
شوصلك يم بلم المعيبر
يماتدري يشگ كلبك ابمجدافه
نضحك والجرح يدي
الگطن ناعم واخشنه اجفوف ندافه
تنيناكم شبيب الفين لاكن شيب
لاح اوجوه المرايه ونبت سبعين
ومتانين
من نشتاگ؟
ننفش شكو اخيال ابطير
هلبت جايس اخايل انتجه ابفيكم
هذوله احنه ، جدم متعوب
تانينه ايعثر بينه درب حيكم
تعال اوصيح
نتلگاك هودج ها
يماي اروينه گبل الذبحترضه انموت عطشانين ومتانين
رد مع اقتباس
