دارميات المكتوب
::
انجَوم المكتوب ونعلكه عالباب
بي نقهر الشمات جي من الاحباب!
االساعدي
,
مكتوبك انخليه__ ابين الكرايب
بلعركه نحلف بيه __ انفض الطلايب!
االساعدي
,
مكتوبك امخليه اكبال النووارس,,,
كلما ضجت اقراه ويرجعلي واهس!
االساعدي
,
مكتوبك ابكل يوم تلكاني وياه
حتى اضغط الشمات من الهم اقراه!
االساعدي
,
مكتوبك ابكل يوم اقراه واعيده
وكل ما قريته اتصير فرحه الجديده!
االساعدي
,
ابغرفة الخطار وتنوشه اديهم,,
امعلك المكتوب واقراه عليهم!
االساعدي
,
دوم اقرء بلمكتوب صوتي الغرامك
حتى اسئل الجيران حفضوا كلامك!
االساعدي
,
لو بيدي ينسئلون بالامتحانات
الماحافظ المكتوب بالمدرسه ايبات!!
حسين االساعدي