ايام الستينات صار بوگ مال سيارات هواي،،
اكو واحد عنده سياره قديمه يشتغل بيهه عبريه،،
وكل عيشته عليهه ماعنده گراج بالبيت فـ يخليهه بالباب ويضل الليل كله گاعد يحرسهه،،
من يطلع الصبح للشغل جماعته السواق يشوفوه نعسان،،
واحد منهم نصحه يشتري چلب (مكرم القارء)
ويربطه يم السياره حتى يحرسها ،،
صاحبنه راح للقريه واخذ چلب من صديقه وجابه وربطه يم السياره مالته،،
نام الليل وگام كل يوم ينام من وگت ويشبع نوم ،،
وره اسبوع گعد الصبح لگه السياره مالته ماكو،،
اتخبل راح اشتكه يم الشرطه فـأجه ضابط التحقيق وياه يعاين مكان الجريمه،،
انتبه الضابط عچلب سال ابو السياره كاله هذا الچلب مالتك گاله اي مالتي،،
الضابط گاله انته اللي مربيه من هو صغير،،
گاله لا اشتريته من القريه من فلان صاحبي ،،
وره يومين دز عليه الضابط،،
وگاله لگينه سيارتك عند فلان اللي اشتريت منه الچلب،،
لان من اجه يريد يبوك سيارتك الچلب مانبح عليه،،
لان هو اللي مربيه فاخذ سيارتك وروح،،
وبعد من تريدلك چلب يحرسك،،
اخذلك چلب زغير وربيه ،،،
حتى يكون انتمائه وولائه يصير الك
مو تاخذ جلب انتمائه الك وولائه لغيرك،،
يعني مو عنده جنسية عراقية وجنسية بريطانية
رد مع اقتباس
