درر العراق

آمــالــ · 15/April/2022

من كل گلبي احبها وما مجاملها
حبيبتي وأنه رجالها وخلها
صح ما نتفق مثل الحجر والجام
بس ما نفترگ بالعركه اغازلها
مغرورين
والبيناتنه بكل يوم يوصل للنهايه و ربك يحلها
وضلينه سوى مو لان متصافين
العلاقه التستمر تقوه بمشاكلها
وبعد شيفضها إذا مغرور حب مغرور
التحرمها گمت اعناد احللها
واخبصها احبچ حيل احبچ موت
ومن تطلبها مني عناد ماگلها
هي الصحته زينه المرض عنده فراگ
وما مهتم أبين من ازاعلها
وأنه عندي نقص لمن عليه تغيب
چن كاتب قصيده وما مكملها
وهاي الروح مو يأخذها ملك الموت
سبحان الله ارجعلي برسايلها
ومن كل گلبي احبها وما مجاملها
حبيبتي وأنه رجالها وخلها
صح ما نتفق مثل الحجر والجام
بس ما نفترگ بالعركه اغازلها

رائد ابو فتيان