كلمات قصيدة عالم سيد البطحاء الحاج باسم الكربلائي 2022 - 1443
قصيدة : عالم سيد البطحاء
للشاعر : السيد عبدالخالق المحنه
وفاة ابو طالب ع
ليلة 10 رمضان 1443
حسينية وموكب ابو الفضل العباس (ع)بغداد/الشعب
..........................
عالم سيد البطحاء
سيف أو موقف أو كلمه
من تتسلط الأضواء
نعرف مصدر الهجمه
ونوضح أكيد .. منهو المستفيد
بالدليل
..........................
طبع بالعين ماتعله
وإن يتواضع الحاجب
او طبع كل حاقد أو مغلوب
يصب أحقاده عالغالب
ولا نتأمل امن ابليس
يتوب أو يعرف الواجب
ولا نرجه امن ابو سفيان
يحن ويحب أبو طالب
طاغي أو سخر الأقلام
ضد السيد الناصر
كالو يعبد الأصنام
مات أو مشرك أو كافر
نسأل من جديد .. منهو المستفيد
بالدليل
..........................
عجيبه الناس من تكره
تسد إعيونها امن إتذم
تظل كل ما عله البنيان
تجيب الفاس وتهدم
سؤال الكل شخص منصف
يظن الشيعي متوهم
أسأله أو خل يكلي إشلون
أبو الإسلام مو مسلم
حتما كل ظلام إيزول
واصحاب العقل تدرك
يعني يابشر معقول
كافل للنبي أو مشرك
عتبه لو وليد .. منهو المستفيد
بالدليل
..........................
لونك يا أبو طالب
أبو الكال النبي يهجر
وحقك لسمك إيسجدون
واللي ماسجد يكفر
لجن انت ابو الكرار
عله الميزان من يشطر
يكول الصوج صوج الماي
ذاك الماعرف يعبر
مناك إبتده التكفير
مذهبهم بده إبكفره
حفرو بالظلام البير
صارو بالدرب عثره
من كيد اليكيد .. منهو المستفيد
بالدليل
..........................
أبو سفيان بالخندق
حجاهه والنبي يسمع
أكرهك ياعلي للموت
كلام أو عنه ما أرجع
ألاحق كلمن إيواليك
أنا او كلمن الي يتبع
اذا صار الثمن معروف
وبو طالب بقه يدفع
لنك والد الكرار
لازم خصمك إيطعنك
ونت للأسف مولاي
مكروه ابسبب إبنك
هالكره الشديد .. منهو المستفيد
بالدليل
..........................
سند للمصطفى أودرعه
أسد والحارس الأكفأ
زمن بيه الحجر معبود
ترفع عنه وتبرأ
وكت بيه الضعيف إيموت
وهوه الحامي والملجأ
وهوه المؤمن القارئ
قبل لاتنزل الإقرأ
يتمنه إبدر موجود
حتى ايبين المغزه
أول صوله بالإسلام
هو او حيدره أو حمزه
ويكل للعبيد .. منهو المستفيد
بالدليل
..........................
شمس انت يبو الكرار
بيدهم ما يحجبونك
ولا نتأمل من اعداك
ينصفون ويحبونك
عليك اسهامهم لليوم
لأنهم ما يلوحونك
لأنك خلفت كرار
بغض لبنك يبغضونك
ليش اللي هجم عالدار
كالوا احبه ووفه
واليحرس نبي ابفقار
كالوا مشرك اتوفه
بعناد العنيد .. منهو المستفيد
بالدليل
..........................
وناده ياعلي إحضرني
عرف عن دنيته راحل
الرايه إنطاهه للكرار
كافل سلم الكافل
يرايه أو من أبو طالب
وابو الحملات يستاهل
نفس هالرايه وبرمضان
سلمها لبو فاضل
من جف والدي الإيدي
ونت ياكمر بعدي
يوم اعله الشريعه اطيح
تصبح حصة المهدي
وبقتل العضيد .. منهو المستفيد
بالدليل
................
للتحميل برابط مباشر
اضغط هنا