مجموعة من ابيات الدارمي موجهة للأصدقاء و الاخوان جميلة جدا
الإخوة حك تريد مو بس حجي لسان
يعجبني كلمن صار للخوة عنوان
الإخوة حك تريد مــــــو بس ضحك و روح
نتعاون سوه على الضيم و نضحي بالروح
تبقه الصـــــداقة جسر ما بين الأحباب
و يبقى الصديق الوفي مفتاح كل باب
للصحبة اهدي الروح و عيوني الاثنين
و العمر فدوه يروح للصاحــب الزيين
هذا حوار بين صديقين بالدارمي
الاول
سلمت مارديت فهمني قصـــــــــــــــدك
شنهو الي بالك ليش خايف نحســـــدك
الثاني
موحـسد لاوالله دايــــــــــــــخ تـــرانـي
وهمومي كومه اهموم همهن عماني
الاول
صدگني كلها اتروح تصبح سوالــــف
لوماضحك كل ساع چاعگلي تالـــف
الثاني
ضحكني بعد ارجوك ضحكني ضحكه
والحزن لوبوراق چاهسه احركــــــــه
الاول
اضحك بعد ورتاح ريــــــــــــح دلـيــلك
وگليبي عد عيناك صـــــــــاير خليلك
الثاني
شكرا صديقي اهواي والله اليســـــرك
شفت انه بيك الخير يامحلـــــــــه درك
الاول
الشكر بس لله ماغيــــــــــــره نشـكر
خلينه ندعي اليوم بس هــــــوه نذكر
الثاني
ياربي يا رحمن انصــــــــــــر بــلـدنه
والكرم عدنه اهواي ذبيـــــــته عدنه
و هذا حوار بين 4 أصدقاء بالدارمي كل منهم بشكي فراق صاحبه
الأول:
سلاني سل فركاك وجر بالعظام
حط محبسك بالراس يوكع بالاجدام
الثاني:
سلاني سل فركاك سواني عبرة
طبكوني ست طبكات لظموني ببرة
الثالث:
سلاني سل فركاك هدني ورماني
بالمجهر يدورن محـــد لـــكاني
الرابع:
بالمجهر يدورون يعني انت موجود
اني ربع مثــقال وتقاسمـــه الــدود
و هذا اخر دارمي هم للصديق .. بس فيكة
عرجه ولفاني البين و بعيني ماشوف
جابولي طاري الزين كمت ازحف ازحوف
هع
ودي لكل الاصدقاء
رد مع اقتباس
المشاركة الأصلية كتبت بواسطة مازن
يمكن 
وتقيمي
