یألخاین لبنهه إمّک ذهب منعوت
ربیت إویاهه لحظه إبلحظه تتذکّر
〰️
ما ردّت طلبتک من یجیک إلجوع
نص إللیل سهرانه إو تدر تفتر
〰️
ترضعک غسّلت بثیابک إمجلجات
تبوسک بإلحلگ بإلصدر ما تنغر
〰️
إذا تضحک تسرها إحساب ضحکت عید
و إذا صابک مرض من قبلک إلتنضر
〰️
و إذا جاسک برد تدفه إبحضنهه إتنام
إلخاطر راحتک ما تغفه تتگنطر
〰️
تسع تشهر عشت ویّاهه روح إبروح
إو کل إلعمر تبرالک عطر عنبر
〰️
یا ما کبّرت یا ما سهرهه إمتاز
بیهه إو ما غفت عین إلهه بإلمعشر
〰️
تنساهه إشعجب وین إلوفه یا حید
ما تدری إلترکهه إبعمره یتعثّر
〰️
ولک چا ذکریاتک ما ترد إردود
ما تذکر وفاء بإلبرد لا بإلحر
〰️
لا شیلت صدر لا شبگه لا نهتات
لا أکل إلثرد لا درس لا دفتر
〰️
لا ضحکت فرح ناسیهه یا دولاب
لا گلب إلیحن لا نار بیه تسعر
〰️
ما تدری إلسعاده إلجنّه إمّک نار
تحرگ لو یمسّک عوز لو تخسر
〰️
ما تنشد علیهه إلربّت إو نکریت
طعت لمریتک إو شاعر صرت تشعر
〰️
تشری إلهه ذهب تنطیهه راتب مال
و إمّک ناسی حبهه إبغیرهه إتفرفر
〰️
عساک إتضوگ لوعة إمّک إبدنیاک
من تذکر ولدهه إدموعهه إتخرخر
〰️
جاسم ثعلبی
رد مع اقتباس
المشاركة الأصلية كتبت بواسطة حَـــــــــلآوَة♬
