وینه إلیحبه إلگلب بس ردت أشوفنّه
مدفون حدر إلثراء لو حی و أزورنّه
أبعد علی بإلسفر مو یوم لا یومین
مشتاق أبوسه و أحس مبعد علیّه إسنین
إبگلبی ما ینّسی لو ما تشوفه إلعین
عاشرته عشرت عمر ولفی و أحبّنه
وینه إلیحبه إلگلب بس ردت أشوفنّه
مدفون حدر إلثراء لو حی و أزورنّه
أبعد علی بإلسفر مو یوم لا یومین
مشتاق أبوسه و أحس مبعد علیّه إسنین
إبگلبی ما ینّسی لو ما تشوفه إلعین
عاشرته عشرت عمر ولفی و أحبّنه
سهران لیلی و أون عینی بگت تربی
إتضمّد إو ما گصّرت و إسهامک إبگلبی
جرحی غمیج إو نزف نهران دمّه إو سال
شایل حمل فرگتک شفتک إلی چتّال
إشما مال حملی أرتخی طول إلدرب ما مال
ترکیت طور إلزعل متمسّک إبحبّی
إبغربه إو درب بیه عسر ماظن تخلّینی
لو مال بیّه إلوکت ردتک تبارینی
وین إلعهد یا ولف وینه إلیسلّی إلروح
وین إلسفر و إلمطر إو وین إلبچی و إلنوح
إو وین إلطبیب إلزمط بیده یضمد إجروح
ساکت تخل بإلگلب شو ما تحاچینی
حاچینی خلنی أفتهم شنهی إلسبب ما جیت
منتظرک إتمر علی بإلدرب ما حنّیت
بسّک بعد و إعتذر خل یمحی إذنوبک
ربّک یشوفک تغث دوم إویه محبوبک
بردان و أنت إلهوی لفنی إبکتر ثوبک
و أنا إحذه صدرک شهر لا تمر لا نشدیت
چم دوب أسامح یخل تمشی هچع و إتمیل
إمتابعنی کل إلدرب تندس عبث و إتعیل
ما خفت ناس إلتمر تلچح شمر إیدک
بسّک إتکتّر یحب إتأذّی إلگلب عیدک
تتحسّر إنهت شکو کض إیدی میفیدک
داوی إبنارک یخل تچمد قهر و إتچیل
إگلاده إعلی سدرک ذهب خلینی للتالی
ناذر حیاتی إلک فدوه إلک یألغالی
لیلی أو نهاری إبفرح بس أشتم إعطورک
ویّاک نجمه إو گمر و إلگلب ناطورک
خرزه إو تزیل إلحسد ناس إلذّی إتزورک
لا تفک زیجک أخِر و إتفردش امالی
یا ریت شمس إلضحی تبزغ لی نص إللیل
أذکرک و أظل إبفکر من ضاع منّی إلحیل
إبشارعکم أمشی إبحذر هلبت أشوفنّک
عن ضیم گلبی إلسده بیه إو أخبرنّک
إمن إبعید و أشتم هوی بلکت و أشمنّک
أطرب و أسمع إلخلگ إبطور إلعشگ یا ویل
حط إیدی بیدک یخل کضّت عشگ و أحباب
إنسافر إلدیرة غرب و إنعاشر إلاجناب
و إنعیش عیشه إبهنه ماکو عرف بیهه
لا شامت إلینتبه جنّه إبمعانیهه
إبمیلادک إنشد حفل شمعه إو نطفّیهه
نرکب إبملعب سوا نفتر مع إلدولاب
حلوالمشاركة الأصلية كتبت بواسطة افوووول
شكرا جزيلا لمرورك
رد مع اقتباس