وكت التبرگع طول والبوم ضل يحوم
والليل اخلصه بدمع والصبح هم مهموم
مفتوح ضل الجرح لٱ هوه م̷ـــِْن يلتأم ولا انته ترضه تروم
ومسدود سوگ الغدر محد بعد يشتري بس انته باقي تسوم
خليتني بنص الدرب لا خيط لا ملضوم
مو شيطان كلبي شبيك رد مرجوم
وانه الحنين ابسم الهجر مسموم
صليت الك وبخنجرك ما اصوم
انه سويتلك من العظم سجين
شجاك تحده بالزردوم
عفت كلشي اعلمودك و بطرك الهدوم
وجيتك عفت قصري وكعدت وياك بالمهدوم
وانه مثل الربح غشاش لا فايز ولا مهزوم
لكيتك ماي عله سطحك جرف مرسوم
بس حسرات بس اهات ما شفت الفرح مرموم
وانه بكلبي صرت مثلك ما شفت الفرح فد يوم
كلك شوك يالعاكول جا يمته صرت مشموم
بحين الوكت رادك كتله شيل ايدك الي مخصوم
مو مثل الخلك حبيت
حب ساعه الخلك بس انه احبك دووم
جا ليش الكلب منك رجع مضلوم
ردتك بالوفه وياي وانته اعله الغدر محزوم
وهسه بدارمي تكلي
انتهت والله وياك منصيرالك دوم
بالجنه لْـۆ شفناك بس تگعد نگوم
رد مع اقتباس
