هنا

[افول]

زعل گلبک علی بیه بان.........ظلما

إو بچیت إو ما بگه بإلعین ........ ظلما

إنگطع حبل إلوصل و إلدار .......ظلما
〰️〰️〰️〰️
إبغیابک موحشه إلدّنیا علیّه

[افول]

إلعمر خلصان زیل إلزعل........ بعداک

إو عساها إبّخت کلمن علی....... بعداک

تعال إو شوف حالی إشلون...... بعداک
〰️〰️〰️〰️
یتیم إو تایه إبدیره أجنبیّه

[افول]

أنا إچّندوب أجر نهتات .... وألهم

غیابک مرّد إلدلّال........وألهم

حذّرنی إلوکت بفراگ..... وألهم
〰️〰️〰️〰️〰️
إبحلم و إبعلم و إعتاب إو أذیّه

[افول]

أعازی إبروحی بعدک علی .......سلّیت

إشعجب أنت علی ما یوم ...... سلّیت

من یوم إلغبت للیوم .......سلّیت
〰️〰️〰️〰️〰️
أحس بفراگک إتضکنی إلمنیّه

[افول]

گلبی ما نسه إو زارک .......و حیّاک

أحس إبحلم یبرالک ....... وحیّاک

أمر کل یوم أشم عطرک....... و حیّاک
〰️〰️〰️〰️
و أشافی إجروحی من ضیم إلعلیّه

[افول]

إلمفشکل ما یفیده إلضب....... ولک بس

فرد مرّه رفت جرحی ....... ولک بس

بعد لا تچمد إبغیضک ........ ولک بس
〰️〰️〰️〰️〰️
إلیسامح ، ربّه إیعینه إبهنیّه

[افول]

إلوعد یألواعدتنی إبعهد........ ونّه

أحس گلبی یفجر إلصخر ...... ونّه

مو بس أنت شایل غیض...... ونّه
〰️〰️〰️〰️〰️
حمل مرکب نفضته إبذنی إدیّه
...

[افول]

ذهب صافی أعرفک ثگل....... منّک

شبعت إو مرمرتنی إبوعد...... منّک

تعال إو خلنی أشبع شوف...... منّک
〰️〰️〰️〰️〰️
إو باچر خلنی أموت إبغیر دیّه

[افول]

إلرابی إبگلبی مابدله ....... بعدون

عزیز إو یکتل إفراگه ...... بعدون

علی إلشایل کثر حزنک...... بعدون
〰️〰️〰️〰️〰️
ونینک شمّت إلعدوان بیّه

[افول]

عمر إلفات ضیم إبفرح...... و أنعاب

أودّک بوسه إلک ودّیت...... وأنعاب

یحن گلبی علیک إنفجر...... وأنعاب
〰️〰️〰️〰️〰️
أنا أترجّاک لا تبعد علیّه