هنا

[افول]

مرّه إیضرنی بیده ....... مرّه شاره

إو مرّه إیدز رسایل...... مرّه شاره

مرّه إیدور شعره........ مرّه شاره
〰️〰️〰️〰️〰️
إو مرّه یرمی بسهامه إبوصیّه

[افول]

گمر یزهی إبجماله ..... مرّه عینه

قریب إو حل علینه ..... مرّ عینه

مرّه إیطگنی بیده ..... مرّه عینه
〰️〰️〰️〰️〰️
إو مرّه إبحّه یشعل نار بیّه

[افول]

ألأودّه ما یمر لا گبل....... لا حن

نسانی لیش أبد ما سئل .....لاحن

مسامیر إلهجر بحشای...... لاحن
〰️〰️〰️〰️〰️
إنجرح گلبی إو کتب إسمه علیّه
...

[افول]

إنکشف نجمک إو گلبی......... منجمالک

إلشمس تضوی إبحنانک...... منجمالک

وین إتروح أتبعک ........ منجمالک
〰️〰️〰️〰️〰️
إبسماء و إبگاع أصیدک و أنت إلیّه

[افول]

هدالی بوسه بإلخد..... هل هلالی

حبیبی إو فر وجانی...... هل هلالی

أحس إهلال عیدی ...... هل هلالی
〰️〰️〰️〰️〰️〰️
عرس عندی إو طرب طب إلثنیّه

[افول]

حبیبی زعل مامر ........ودریته

حسافه إبسفر هاجر ..... ودریته

علیه أحسب دقایق..... ودریته
〰️〰️〰️〰️〰️
إلعمر خلّص ولا منّه وصیّه

[افول]

غیر إلمحب گلّی .... من بچانه

إنشلع گلبی إبحنانه..... من بچانه

إلنّاس إتلوم شالت ...... من بچانه
〰️〰️〰️〰️〰️〰️
إو مثل صرنه إبعشگ صیت إلثریّه

[افول]

إلتحبّه إلروح ماع إویاک..... منساک

إلغیر إلودّه گلبی یوم..... منساک

یطارش روح گل لهوای..... منساک
〰️〰️〰️〰️〰️
یفکّر بیک کل صبح إو مسیّه
...

[افول]

ثگل حبّک وإلی من ذهب...... منّک

مرار إلشفته مو من خلگ...... منّک

تعذّب گلبی زاد إلقهر .......منّک
〰️〰️〰️〰️〰️
عفاء إشسوّیت لی وإتمن علیّه

[افول]

علیک إلعین دم صبّت ......و هالت

إبجفاک إلسانی بس بسمک..... وهالت

إلسعاده إبحبّک إندافت....... و هالت
〰️〰️〰️〰️
صعب فرگاک یألمالک خطیّه