قســطرة لكلبـــي أجريت وي ضغطي صاعــد
منســد لكـــو شريـــان بي أنت كـــــــــاعد
مـو كل ضَرب يحنــيك .. كَالت يجـَــدّة
تِعـدل عَصـَا النـدّاف ظَـهــر المَـخَـدّة
ماغربل آني اصحاب ماتعب المتــون
بس اذكــر الغربيل يمهــم يطيحــون
وين الله و ترد يوم و تكلي آسف
لاركص فرح عريان بين الطوايف
مايعني شي الشيب لو عمرك اجتاز
شيب الحقيقي ايصير من تفكد اعزاز
روحي وتـدَوّر ابليــل ثچـلة بحــزنهـة
بلچـــت تِـوزع أونين بثــــــــواب ابنهة
روحي وتدور ابليل ام فاجدة اوليد
بلجي بنعيهة ارتاح وجروحي اتهيد
عالغصــن عشــر طيــور والسهــم بيــدة
مشكلتــة جَن فــد لــون ياهــو اليصيــدة؟؟
يالماشي صوب احسين بلّغ سلامي
كَلــة الشمــس ماعـاد تكشــف حرامي
حسرة جســر عالمـــاي صارت حسرتي
ميّت عطش والروج يتلالة تحتي ..
واحدنة هسة انكـــال عنة انطوائي
من بعد ماجنـّــاش اجمل ثنائي
اصفن واطك حسبات وايدي على خدي
هيج بحلم والكاك غافي على زندي.
اصفن واطك حسبات واغفى على ناري
يمتى على غصني الكاه طير الكناري
اصفن وطك حسبات كل حسبة جن عام
نعلة على ابيّة العاف حبه وغفى ونام
اصفن و اطك حسبات وتطكني هية
للفجر وانت تنام بالمغربية
اصفن وطك حسبات و اردف مواويل
واحلم هلي يقبلون يم اهلك نشيل
الرايح الله وياه .. حي الله بالجاي
والعنّي وجهة اندار .. درت آنا له كَـفاي
ما هزّن الفنجان دكَ كهــوة لي اردود
بكَـليبي طكَ شيبات بلجت ترد سود
كلمن نوى عل ارحيل لا تلزم أيدة
والمايريدك يوم بالك تريدة
يتعوذ من ابليس وهو بن ابو ابليس
وحقد اعل اخيّة ايشيل ماشالته العيس
شلّــــك عِلاقة بهاذ ... وبذاكة شلّك ؟؟
عن اهل قيل وقال مبعــــد دخلــــّك
لا تحطة في عيناك كلمن الك جاء
حتى الدوة مرات يصبح الك داء
هالكد الك بالروح جانت معزّة
شطيحّك من غربيل ماجنت اهزة؟
كلبي بغيابك طاح والطيحة طيحة
وخلّاني جن نقال مابي شريحة
كلبي بغيابك طاح وانكسرت أيدة
وخلاني جن نقال مابي نضيدة
كلبي بغيابك طاح كاز اعل راسة
وابصفّة بيت انهار سكفة عل ساسة
كلبي بغيابك ضاع بين الكصاصيب
ولكيته يم سجين خريجة بوغريب !
كلبي بغيابك ضاع من عندي سنتين
ولكيته يبجي عليك يم باب الحسين
كلبي بغيابك كام بالكردي يهذي
عايش بلاك شلون ؟؟ بس عالمغذّي
كلبي بغيابك مات دفنتة خوتة
كد ماينوح عليك ... شرّد الموتة
مايكدر على افراك ساعة ,, اليحبك
فالرايح الله وياه عوفة اليتعبك
وللحديث بقية
خالد السعد
رد مع اقتباس
دارميات
المشاركة الأصلية كتبت بواسطة جنـوبـيـة♡
ابدعت
ابا الوليد