مزوية قهر
مزوية قهر وعيون هذا الليل ما خلن أثر
صعدن على جتاف المطر
وتعنن لحلك السما وترسنه... سكته وخوف.. وفلوس.. ودمه
وكلنله كل ماي النهر خل ينتحر
والهور ... والهور خل يلبس بدال البردي مزوية قهر
ورموشك القيثارة جانن للصبح من هسه لازم تنمسح
حتى اليشوفك لا يحس بعيونك ..... جهنم
وجفنك يرف للفرح ....
وكآس الجرح كاسرت بي غيرة وملح
جني بسما الله هناك موال وكمر
وعيوني تبجي وتعتذر .... ربي على هاي أجيتك منكسر
أيدي على دمعي وايد خانك بيها حنيور العسر ....
ايتام وعيون وبساتين وشعر تتنطر جفوفك تذر
دفيها يل كلك دفو .....
رويها ماي وروح وآمال وخبز ..... مشدودة من ازمان يل اسمك حرز
ربي على هاي انه اجيتك منكسر ....
بهاي ايدي صح شكوى جبت ... وبأيد ما عندي عمل
بس عندي دمعي .. وجلمتي وكلي خجل ... تقبلني ؟؟ لو ارجع عدل
للموت للدنيا وي عمري المنكتــــل
محمد الشويجي ... مبدع
رد مع اقتباس
